Երևանում կայացավ POPOK միջազգային գովազդի փառատոնի պաշտոնական բացման արարողությունը 27 հոկտեմբերի 2011 - 20:31 AMT PanARMENIAN.Net - “Մոսկվայի” տանը կայացավ POPOK միջազգային գովազդի փառատոնի պաշտոնական բացման արարողությունը: Փառատոնին արտասահմանից հյուրընկալվել են 35-40 գովազդի ոլորտի մասնագետներ: Արարողությունը սկսվեց ռոք համարով Սուրեն Առուստամյանի կատարմամբ, անյուհետև դրան հաջորդեց անակնկալ շոուն երկու հրեշտակների և Նոյ նահապետի տեսքով: Փառատոնի նախագահ Արմեն Մարտիրոսյանը Նոյ նահապետի կերպարը հանձնեց Depot WPF բրենդինգային գործակալության նախագահ Ալեքսեյ Անդրեևին: Արմեն Մարտիրոսյանը իր խոսքը սկսեց անեկդոտով Նոյան Տապանի մասին և նշեց, որ փառատոնը 2-րդ “գովազդային տապանն” է , որը մեծ նշանակություն կունենա Հայաստանի և արտերկրի գովազդային կյանքում: Հաղորդման բացման արարողության վարում էր Գոռ Գրիգորյանը: Փառատոնին իր ողջույնի խոսքը նամակով հղել էր նաև Երևանի քաղաքապետ Կարեն Կարապետյանը: Փառատոնն այս տարի անցկացվում է հոկտեմբերի 27-29-ը Մոսկվայի տանը՝ ավելի քան 450 աշխատանքներով։ Ներկայացվելու են աշխատանքներ Հայաստանից, Ռուսաստանից, Ուկրաինայից, Բելառուսից, Լատվիայից, Իսպանիայից, Արաբական Միացյալ Էմիրություններից, Վրաստանից և Ղազախստանից: Հյուրերի թվում են արտասահմանցի մասնակցիներ, գովազդային և տեղեկատվական ոլորտի, ինչպես նաև ՀՀ կառավարության ներկայացուցիչներ: Ժյուրին աշխատանքները քննելու է հետևյալ անվանակարգերում՝ գովազդային հոլովակ, տպագիր և արտաքին գովազդ, թվային և նոր գովազդակիրներ, գրաֆիկական դիզայն, մարքեթինգային արշավ: Այս տարի առավել շատ են ներկայացվել թվային և նոր գովազդակիրները, ինչպես նաև մարքեթինգային արշավները: Փառատոնի ընդհանուր բյուջեն 20 միլիոն դրամ է։ Մրցութային ծրագրի միջազգային ժյուրիի նախագահն է «Եվրոպայի արտ-տնօրենների ակումբի» (ADCE) նախագահ և «Leo Burnett» (Իտալիա) գովազդային գործակալությունների խմբի գլխավոր կրեատիվ տնօրեն Ֆրանկո Մորետին։ Փառատոնի կազմակերպիչներն են Հայաստանի Գովազդային խորհուրդը, «Անտարես», «Շարմ», «Ստատուս» Հոլդինգը, Դիիմ Քոմյունիքեյշնս ընկերությունը և Ռադիո Վանը։ Ուշագրավ Այդ մասին նա գրել է ֆեյսբուքյան իր էջում Համաժողովը Երևանում է անցկացվել նաև 2019-ին Այդ մասին ասել է հարթակի հիմնադիր Պավել Դուրովը Արա Խաչատրյանը գլխավոր տնօրենի պաշտոնը ստանձնել էր 2020 թվականի ապրիլից Ամենաընթերցվողը բաժնում | ՊՆ․ Զինծառայողների հարազատները ծանրոցներ ուղարկում են բացառապես կամավոր Նշվում է, որ զինծառայողների թիկունքային ապահովման բոլոր աշխատանքները պատշաճ իրականացվում են ԱՄՆ սենատորները կոչ են արել Բայդենին հակազդել մամուլի ազատության դեմ հարձակումներին՝ այդ թվում Ադրբեջանում Նշվում է, որ վերջին ամիսներին Ադրբեջանում 10 լրագրող է կալանավորվել Բելառուսն Արցախում 420 ընտանիքի համար բնակավայր կկառուցի Հայտարարվել է, որ ավանը կկառուցվի Աղդամի շրջանում ՀՀ և Հորդանանի ԱԳՆ-ները մտահոգություն են հայտնել Երուսաղեմի հայկական թաղամասում ստեղծված իրավիճակի վերաբերյալ Կոստանյանը ներկայացրել է «Խաղաղության խաչմերուկ» նախագիծը |