Հոկտեմբերի 27-ին Առնո Բաբաջանյանի անվան համերգասրահում ավստրիական օրերի շրջանակներում տեղի ունեցավ ավստրիացի հայտնի երաժիշտ Ջուլիա Մալիշնիգի համերգը:
Երգչուհին Հայաստան է ժամանել Ավստրիայի պատվի հյուպատոս Արամ Մարությանի և Հայաստանում Ավստրիայի դեսպան Մայքլ Փոսթլի հրավերով:
Մեկ օր առաջ էլ Երևանում կայացել էր Հայաստանում Ավստրիայի օրերին նվիրված միջոցառման հանդիսավոր բացումը: Բացման արարողությանը ներկա էին Արամ Մարությանը և Մայքլ Փոսթլին, որոնք խոսել են հայ-ավստրիական հարաբերությունների ձեռքբերումների և հաջողությունների մասին: