ՀՀՊ վերաբերյալ Ռուսաստանի և ՆԱՏՕ-ի բանակցություններն այսօրվա դրությամբ գտնվում են փակուղում Արևմուտքի կողմից Մոսկվայի դեմ եվրոպական հակահրթիռային պաշտպանություն չուղորդելու իրավաբանական երաշխիքներ չտրամադրելու պատճառով։ Այդ մասին ՌՒԱ Նովոստիին տված հարցազրույցում հայտարարել է ՌԴ ԱԳՆ ղեկավար Ալեքսանդր Գրուշկոն։
«Այսօրվա դրությամբ իրավիճակը խոստումնալից չէ, այնուամենայնիվ ,անհրաժեշտ է ջանքեր գործադրել պայմանավորվածությունների հանգելու համար»,- հայտարարել է Ալեքսանդր Գրուշկոն։
ԱՄՆ-ն և ՆԱՏՕ-ն, չնայած Մոսկվայի բողոքներին, շարունակում են Եվրոպայում տեղակայել ՀՀՊ բաղադրիչներ։ Սեպտեմբերի 2-ին հայտնի է դարձել, որ Թուրքիայում տեղակայվելու է հրթիռային հարձակման սպառնալիքի մասին վաղ նախազգուշացման ռադիոլոկացիոն կայան։
2010-ի նոյեմբերին Լիսաբոնում Ռուսաստան-ՆԱՏՕ գագաթնաժողովի ժամանակ Ռուսաստանը և Հյուսիսատլանտյան դաշինքը պայմանավորվել են ՀՀՊ եվրոպական համակարգի ստեղծման շուրջ համագործակցության մասին։ Ռուսաստանը կարծում է, որ եվրոպական ՀՀՊ հայեցակարգի մշակումը պետք է իրականացվի հավասար հիմունքներով և նախատեսի ՀՀՊ ոլորտում վստահության միջոցների ամրապնդման ադեկվատ միջոցներ։