«ԱրմենՏել» ընկերությունը հայտարարում է «Մեգա աշուն» ակցիայի երկարացման մասին: Մինչև 2011թ-ի նոյեմբերի 13-ը Հայաստանի բոլոր մարզերի, այդ թվում Երևանի բնակիչները, միանալով Hi-Line «Մեգա» անսահմանափակ սակագնային փաթեթներից որևէ մեկին, կստանան հնարավորություն առաջին երեք ամիսներն օգտվել ծառայությունից անվճար:

Ակցիայի շրջանակներում Hi-Line «Մեգա աշուն» ծառայությանը միանալու պայմանգիր կնքելուց բաժանորդին անվճար տրամադրվում է ADSL-մոդեմ և չի գանձվում միացման վճարը: Hi-Line «Մեգա 1024», «Մեգա 2048», «Մեգա 3072» սակագնային փաթեթների ամսավճարը 4-րդ ամսից սկսած կազմում է համապատասխանաբար 6000 դրամ, 8000 դրամ և 12000 դրամ:

«Ենթակառուցվածքի արդիականացումը և գերժամանակակից տեխնոլոգիաների ներդրումը թույլ են տալիս ընկերությանը հաճախ ուրախացնել մեր բաժանորդներին նոր առաջարկներով, հարմար գներով և ակցիաներով: Միասնական օպերատորի կողմից առաջարկված ծառայությունների պահանջը շարունակաբար աճում է և մենք, հերթական անգամ ընդառաջ գնալով մեր հաճախորդների ցանկությանը, երկարացնում ենք այս ակցիայի ժամկետը»,- նշել է «ԱրմենՏել»-ի գլխավոր տնօրեն Իգոր Կլիմկոն: Ակցիայի գործողության ողջ ընթացքում Hi-Line պայմանագրի վերակնքման պարագայում «Մեգա աշուն» ակցիայի պայմանները չեն գործում: Պայմանագրի կնքմանը հաջորդող 12 ամսվա ընթացքում ծառայությունից հրաժարվելու դեպքում բաժանորդը վճարում է «Մեգա աշուն» սակագնային փաթեթի և նույն արագությամբ Hi-Line անսահմանափակ սակագնային փաթեթի համար նախատեսված ամսավճարների տարբերությունը` օգտագործման ժամանակահատվածի համար, ինչպես նաև մոդեմի արժեքը: