Հոկտեմբերի 28-ին Ղազախստանի Ալմաթի քաղաքում գտնվող «Արվեստ» պատկերասրահում ՀՀ դեսպան Վասիլի Ղազարյանը հանձնել է Մշակույթի նախարարության ոսկե մեդալներ և պատվոգրեր մի շարք հայ գործիչներին Հայաստանի անկախության 20-ամյակի կապակցությամբ:

Արարողությանը ներկա էին Ղազախստանի հայ համայնքի և «Լույս» մշակութային կենտրոնի ղեկավարները, քաղաքային իշխանությունների և մամուլի ներկայացուցիչները:

Ոսկե մեդալներով պարգևատրվեցին հայտնի քանդակագործ, Ղազախստանի նկարիչների միության անդամ Էդուարդ Ղազարյանը և հասարակական գործիչ Ռիմա Ցականյանը, պատվոգրերին արժանացան Վլադիմիր և Ելենա Գրիգորյանները:

Հոկտեմբերի 31-ին Կիրգիզիայի մայրաքաղաք Բիշքեկում դեսպան Ղազարյանը ՀՀ մշակույթի նախարարության ոսկե մեդալ հանձնեց հայտնի հասարակական գործիչ, բանաստեղծ Անես Զարիֆյանին: