2011-ի հոկտեմբերի 1-ի դրությամբ Հայաստանի բնակչության թիվը կազմել է 3,27 մլն մարդ, հաղորդում է Հայաստանի Ազգային վիճակագրական ծառայությունը։

2011-ի հոկտեմբերի 1-ի դրությամբ երկրի քաղաքների բնակչությունը կազմել է 2 մլն 93 հազար մարդ, իսկ գյուղերի բնակչությունը կազմել է 1 մլն 176 հազար մարդ։

Պաշտոնական վիճակագրության տվյալներով, բնակչության քանակով առաջատար է Երևանը՝ 1 մլն 125,6 հազար մարդ։ Հայաստանի ամենասակավաթիվ մարզը Վայոց Ձորն է՝ 56 հազար մարդ, ամենամարդաշատը՝ Արմավիրի մարզը 287,2 հազար մարդ։

Ինչ վերաբերվում է Երևանին, ապա այստեղ ամենամարդաշատ վարչական շրջանը Նոր Նորքն է՝ 148,3 հազար մարդ, ամենասակավաթիվը՝ Նուբարաշենը (9.7 հազար մարդ)։