ԵԱՀԿ աջակցությամբ Հայաստանում կիրականացվի «կարգավորիչ գիլյոտինի» ծրագիրը 3 նոյեմբերի 2011 - 18:30 AMT PanARMENIAN.Net - ԵԱՀԿ երևանյան գրասենյակի աջակցությամբ մեկնարկել է Հայաստանում կարգավորման պարզեցման մեխանիզմի միջոցով տնտեսական արդյունավետ կառավարման խթանմանն ուղղված «կարգավորիչ գիլյոտին» ծրագիրը: Ինչպես նշվում է ԵԱՀԿ երևանյան գրասենյակի մամլո ծառայության հաղորդագրության մեջ, Հայաստանի կառավարության խնդրանքով ԵԱՀԿ երևանյան գրասենյակը դեռևս փետրվարին հրավիրել էր կարգավորման բարեփոխումների միջազգային առաջատար փորձագետ` գնահատելու Հայաստանի գործարար միջավայրն ու առավել արդյունավետ պետական կարգավորման համակարգ ստեղծելու գործիքները: Ըստ գնահատման` բազմաթիվ հնացած ու հակասական իրավական նորմեր խոչընդոտում են գործարարության զարգացմանը Հայաստանում և պարզեցման կարիք ունեն: «Ստորագրելով մտադրությունների մասին սույն նամակն այսօր` ԵԱՀԿ-ն ստանձնում է կառավարության ջանքերին աջակցելու պարտավորվածություն` իրականացնելու կարգավորիչ բարեփոխումներ, որոնք կբարձրացնեն հաշվետվողականությունն ու թափանցիկությունը, կնվազեցնեն կոռուպցիոն ռիսկերը և Հայաստանը կդարձնեն գրավիչ` օտարերկրյա ներդրողների համար: «Կարգավորիչ գիլյոտինն» իրականացվել է աշխարհի շատ երկրներում և նպաստել է գործարարության և օտարերկրյա ներդրումների աճին», - ասաց ԵԱՀԿ երևանյան գրասենյակի ղեկավարի պաշտոնակատար Քարել Հոֆսթրան: Երևանում նոյեմբերի 3-ին Հայաստանում «կարգավորիչ գիլյոտինի» ծրագիրն իրականացնելու մտադրությունների մասին նամակ է ստորագրվել ԵԱՀԿ, Հայաստանի կառավարության, «Զարգացման ավստրիական գործակալության», ԱՄՆ Միջազգային զարգացման գործակալության, Համաշխարհային բանկի և ՄԱԶԾ միջև: Ողջ ծրագրի ընթացքում, որը կմեկնարկի 2010թ. դեկտեմբերի 1-ին և կշարունակվի մինչև 2013թ. նոյեմբերի 31-ը, կգործի «Երկխոսության համատեղ ֆորումը»` նպաստելու տեղեկատվության փոխանակման և կողմերի միջև հետագա քննարկումներին: Ուշագրավ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով Ամենաընթերցվողը բաժնում | Գասպարյան․ 2022-ի սեպտեմբերի 13-ին զոհված 2 զինվորի դիերը դեռ միջդիրքային հատվածում են Չնայած նրան, որ հայկական կողմը Ադրբեջանին է տրամադրել դիերի կոորդինատները, սակայն մինչ օրս որևէ պատասխան չի ստացվել ԱՄՆ կոնգրեսականին մեղադրանք է առաջադրվել Ադրբեջանից տարիներ շարունակ կաշառք ստանալու համար Նույն գործով անցնում է նաև կոնգրեսականի կինը Բագրատ սրբազան․ Կիրանցից քայլերթով շարժվում ենք Երևան Նախատեսում են Երևան հասնել մայիսի 9-ին Կիրանցի բնակչուհի. Արդեն մենք չենք ուզում, որ ոստիկանները գնան՝ ականները հանել են, այլևս անվտանգ չէ «Երեկ ականազերծել են, թե ինչու են ոստիկանները գյուղում մնացել չգիտեմ»,–ասել է նա |