Նոյեմբերի 7-ին Հայաստանի Ֆուտբոլի ֆեդերացիայի կենտրոնակայանում կայացել է Հայաստանի ֆուտբոլի գավաթի վիճակահանությունը։
Քառորդ եզրափակչում Հայաստանի չեմպիոն «Ուլիսը» իր դաշտում կընդունի «Արարատին», իսկ «Իմպուլսը» կխաղա «Գանձասարի» հետ։ Խաղերը կկայանան նոյեմբերի 19-ին, պատասխան խաղերը՝ 23-ին։
Նոյեմբերի 20-ին «Փյունիկն» իր դաշտում կընդունի «Միկային», իսկ «Շիրակը»՝ «Բանանցին»։ Պատասխան խաղերը նշանակվել են նոյեմբերի 24-ին։
Կիսաեզրափակիչ խաղերը կկայանան 2012-ի մարտից մինչև մայիս ամիսը, իսկ եզրափակիչը տեղի կունենա մայիսի 10-ին Վազգեն Սարգսյանի անվան հանրապետական մարզադաշտում։