Էդուարդո Էռնեկյան. «Զվարթնոցի» նոր տերմինալը կբարձրացնի Հայաստանի վարկանիշը 7 նոյեմբերի 2011 - 13:56 AMT PanARMENIAN.Net - «Զվարթնոց» միջազգային օդանավակայանի նոր տերմինալը կբարձրացնի Հայաստանի վարկանիշը ողջ աշխարհում։ Այդ մասին նոյեմբերի 7-ին լրագրողներին հայտարարել է արգենտինահայ ձեռնարկատեր Էդուարդո Էռնեկյանը նոր տերմինալը շահագործման հանձնելու շրջանակներում։ Նրա խոսքով, նոր տերմինալն ավելի շատ զբոսաշրջիկներ կներգրավի Հայաստան։ Արգենտինացի գործարարը նաև հավելել է, որ նոր տերմինալի շինարարության նախագծի իրագործման շրջանակներում նախատեսվում է ընդլայնել ընդհանուր տարածքը, կառուցել նոր ճանապարհ, որը մոտենալու է օդանավակայանին և նոր հյուրանոցին։ «Հայաստանը պետք է ունենա լավագույնը, և մենք դա անում ենք»,- հավելել է նա։ Հայաստանի կառավարությունը նոյեմբերի 3-ի նիստում հավանություն է տվել «Զվարթնոց» միջազգային օդանավակայանի հարակից տարածքում միջազգային լոգիստիկ կենտրոնի և տրանսպորտային ենթակառուցվածքների ծրագրին, որն ազատ տնտեսական գոտու ստեղծման բաղադրիչներից է և ապահովելու է մայրուղիներից և Երևան քաղաքից դեպի օդանավակայան իրականացվող ուղևորաբեռնափոխադրումների իրականացումը` ավտոմոբիլային նոր մայրուղու և երկաթգծի կառուցման միջոցով։ Ինչպես նշել է տրանսպորտի և կապի նախարար Մանուկ Վարդանյանը, հետագայում այն ներառվելու է ՏՐԱՍԵԿԱ միջազգային լոգիստիկ կենտրոնում, որի անդամ է Հայաստանը։ Մանուկ Վարդանյանը հավելել է, որ ծրագրի շրջանակներում կառուցվելու է նոր երկաթուղի, որն օդանավակայանից տանում է «Չարբախ» կայարան ուղևորափոխադրումների համար և մինչև «Կարմիր բլուր»՝ բեռնափոխադրումների համար։ Բացի դրանից, նախարարի խոսքով, կառուցվելու է նոր ճանապարհ, որը շրջանցելու է Արգավանդ և Փարաքար գյուղերը։ Այդ աշխատանքների արդյունքում, ինչպես հաղորդել է Վարդանյանը, ստեղծվելու է նոր տրանսպորտային հանգույց կամուրջների տեսքով, որը միացնելու է նոր ճանապարհները, Իսակովի պողոտան, շրջանցիկ ճանապարհը և այդտեղից դուրս է գալու մայրաքաղաքի գլխավոր մայրուղի։ Ենթադրվում է, որ լոգիստիկ կենտրոնի շինարարությունը տևելու է երեք տարի, արժեքը լինելու է շուրջ 25 մլն եվրո, որն ապահովվելու է պետություն-մասնավոր հատված համագործակցությամբ։ Ուշագրավ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով Ամենաընթերցվողը բաժնում | Ռուբեն Վարդանյանի ուղերձը «Ավրորային»․ Ավելի, քան երբևէ, համոզված եմ` արժեքներն ու սկզբունքներն ավելի կարևոր են, քան նույնիսկ կյանքը «Արցախ տեղափոխվելու որոշումս կայացրեցի «Ավրորա»-ի հերոսների շնորհիվ»,–նշել է նաև Բաքվի բանտից ուղարկված ուղերձում Կիրանց-Ոսկեպար ճանապարհը կրկին փակ է․ Մտահոգությունները պահպանվում են Գյուղացիներին ամենաշատը մտահոգում է կամրջի հատվածը Mutuari, Lolik և SilkSwap. Նոր DeFi նախագծերի ներկայացումը ftNFT Phygital Space-ում Հանդիպման ընթացքում հայտարարվել է նաև Ցերեբրում Վիրտուալ Երևանի նոր նախագծի մեկնարկը ՔԿ․ Երևանում բողոքի ակցիայի 2 մասնակից ձերբակալվել է սառը զենք կրելու կասկածանքով Նրանց մոտ հայտնաբերվել է սառը զենքի նմանվող առարկա՝ մեկական ծալովի դանակ |