Կովկասի ինստիտուտի փոխտնօրեն, քաղաքագետ Սերգեյ Մինասյանը գտնում է, որ անկախ որոշ հակահայկական տրամադրություններից վրացական հանրության շրջանում, Վրաստանի քաղաքական շրջանակներում կան ուժեր, որոնք հասկանում են, որ Հայաստանը Վրաստանի ավանդական դաշնակիցն է տարածաշրջանում: «Ելնելով ոչ միայն պատմական անցյալից, այլ նաև քաղաքակրթական մոտեցումներից»,-ասել է նա Երևանում կայացած մամլո ասուլիսում: Ըստ նրա, այդ ուժերը դիտարկում են Հայաստանը որպես միջնորդ ռուս-վրացական հարաբերությունների կարգավորման գործում, ինչն, ըստ փորձագետի, անխուսափելի է:
Իր հերթին «Երկիր» ՀԿ ծրագրերի համադրող Ռոբերտ Թաթոյանը նշել է, որ Հայաստանը հարկավոր է Վրաստանին հակազդելու համար թուրքական ու ադրբեջանական ներթափանցմանը: