Apple-ի համահիմնադիրը վաղը check-in կանի Երևանում

Apple-ի համահիմնադիրը վաղը check-in կանի Երևանում

PanARMENIAN.Net - Վաղը երկօրյա այցով Հայաստան կժամանի աշխարհահռչակ Apple ընկերության համահիմնադիր Սթիվ Վոզնյակը։ Այս մասին հենց ինքը Վոզնյակը հայտնել է Facebook-յան իր էջում։

Սթիվ Վոզնյակը Հայաստան է հրավիրվել Հայաստանի նախագահի մրցանակի կոմիտեի կողմից։ Նա կստանա ՀՀ նախագահ Սերժ Սարգսյանի կողմից Հայաստանի նախագահի 2011 մրցանակը տեղեկատվական տեխնոլոգիաների ոլորտում համաշխարհային ներդրման համար։

«Սինոփսիս - Արմենիա» ընկերության հասարակայնության հետ կապերի բաժնի ղեկավար Գայանե Մարկոսյանը տեղեկացրեց PanARMENIAN.Net ի թղթակցին, որ Վոզնյակն իր այցելության ընթացքում մի շարք հանդիպումներ կունենա ՀՀ վարչապետ Տիգրան Սարգսյանի, կառավարության անդամների, ՏՏ ոլորտի ներկայացուցիչների, ուսանողների հետ։

Գայանե Մարկոսյանի խոսքով, վաղը հայտնի կդառնան բոլոր այն թեմաները, որոնց մասին Սթիվ Վոզնյակը կխոսի իր հանդիպումների ընթացքում։

Սթիվ Վոզնյակը տեղեկատվական տեխնոլոգիաների ոլորտում համաշխարհային ներդրման համար Հայաստանի նախագահի մրցանակի երկրորդ մրցանակակիրն է:

 Ուշագրավ
Krisp-ը 1 տարվա ընթացքում 0-ից 600 կորպորատիվ բաժանորդ է ձեռք բերել
«Չհամաձայնվելու դեպքում հստակ հայտնել են, որ ինձ մեղադրելու են առանձնապես ծանր հանցագործության մեջ և կալանավորելու»,- ասվում է հայտարարության մեջ
Facebook-ում նոր էմոցիան գրկախառնվող սմայլիկի տեսք կունենա
Նրանք հայտնել են, որ Ucom-ի 843 աշխատակից ազատման դիմում են գրել