  Երևանի սրտում բացվեց Ֆրիտյոֆ Նանսենի կիսանդրին  9 նոյեմբերի 2011 - 17:06 AMTPanARMENIAN.Net - Այսօր` նոյեմբերի 9-ին Երևանի Աբովյան-Մոսկովյան փողոցների խաչմերուկում բացվեց հայտնի նորվեգացի բևեռախույզ, հասարակական գործիչ, հայ ազգի մեծ բարեկամ Ֆրիտյոֆ Նանսենի կիսանդրին (քանդակագործ`Գարեգին Դավթյան, ճարտարապետ` Ասլան Մխիթարյան): Այն բացեցին ՀՀ նախագահ Սերժ Սարգսյանը, ՀՀ արտաքին գործերի նախարար Էդվարդ Նալբանդյանը, Նորվեգիայի Թագավորության արտաքին գործերի նախարար Յոնաս Գահր Շտյորեն և Նանսենի թոռնուհին` Մարիտ Գրևը: Քանդակի բացմանը ներկա էին նաև փոխվարչապետ Արմեն Գևորգյանը, Երևանի քաղաքապետ Տարոն Մարգարյանը, Հայաստանում հավատարմագրված դեսպաններ և հասարակ քաղաքացիներ: Իր ելույթում Էդվարդ Նալբանդյանը նշեց, որ Հայաստանը Նանսենի սրտում էր, իսկ այսօր` Հայաստանի սրտում կանգնեցվում է նրա արձանը: Ըստ նրա, Հայաստանը չէր կարող անմասն մնալ Նանսենի 150-ամյա հոբելյանի տոնակատարություններին: «Օգնության հասնելով մեր ժողովրդի համար ամենածանր պահին՝ Նանսենը փրկեց ոչ միայն հարյուր հազարավոր հայերի, այլև մեր ժողովրդի սասանված հավատը առ այն, որ մարդը ստեղծված է Աստծո նմանությամբ, որ մարդու մեջ չի կարող մեռնի մարդը եւ մնա միայն ցեղասպան բարբարոսը: Կա՞ արդյոք ավելի մեծ առաքելություն, քան փրկել հավատը, հավատը մարդկային էության հանդեպ, հավատը ոչ միայն սեփական ապագայի, այլև մարդկության վաղվա օրվա հանդեպ, հավատն առ այն, որ ապրիլի 24-ին հաջորդելու է ապրիլի 25-ը», ասաց Նալբանդյանը: Նորվեգիայի արտաքին գործերի նախարար Յոնաս Գահր Շտյորեն էլ իր հերթին ուրախություն հայտնեց, որ իր պաշտոնական այցը Հայաստան համընկավ նման միջոցառման հետ և ասաց, որ յուրաքանչյուր նորվեգացի հպարտ կլինի, տեսնելով Երևանի կենտրոնում Նանսենի արձանը: Նանսենի թոռնուհին` Մարիտ Գրևը լրագրողների հետ զրույցի ժամանակ ասաց, որ իր համար մեծ անակնկալ էր Երևանում տեսնել իր պապի արձանի բացմանը այդքան շատ մարդ:   Ուշագրավ Վարդանյանն ասել է, որ գտնվում է մեկուսացման խցում Նրանք ձերբակալվել են խուլիգանական արարքների կատարման մեջ մասնակցության կասկածանքով Փաշազադեն հայտարարել էր, թե «հայկական եկեղեցին, ռևանշիզմ է քարոզում”   Ամենաընթերցվողը բաժնում |  Վերջին լուրեր Պեսկով. Կողմ ենք Բաքվի և Երևանի միջև շփումների շարունակմանը  Նա նաև ասել է, որ Կրեմլը չի մեկնաբանում Հայաստանում տեղի ունեցող բողոքի ցույցերըՓաշինյան. Հայաստանի և Ադրբեջանի սահմանին տեղադրված սյուները ՀՀ տարածքային ամբողջականության անկյունաքարերն են Ըստ նրա, որոշումը կայացվել է ֆիքսելու համար Հայաստանի տարածքային ամբողջականությունըԱՄՆ կոնգրես է ներկայացվել Ադրբեջանի պաշտոնյաների դեմ պատժամիջոցներ սահմանելու օրինագիծը Այն շրջանառության մեջ է դրել կոնգրեսական Դինա ՏիտուսըԱբրահամյան. Մի իշխանություն, որը 2018-ին փառաբանում էր խաղաղապահ բրիգադի փողոց դուրս գալը, այսօր խոսում է դրա անթույլատրելիության մասին Նա նշել է, որ կադրերում երևացող զինծառայողներն ակնհայտորեն այդ պահին ծառայության մեջ չէին, մարդկանց ջերմ ողջունեցին և գնացին |
