«Նահատակ Յասիր Արաֆատի» ասոցիացիան հինգշաբթի խոտացել էր մեկ ամսվա ընթացքում հրապարակել ֆրանսիացի բժիշկների արաբերեն թարգմանված բժշկական եզրակացությունը Պաղեստինի առաջին նախագահ Յասիիր Արաֆատի մահվան պատճառների մասին, հայտնում են տեղական ԶԼՄ-ները:
«Պաղեստինի ժողովուրդն իրավունք ունի վերջնական պատասխան ստանալ Յասիր Արաֆատի մահվան մասին, մեր պարտականությունն է նման հնարավորություն ընձեռել»,-ասել է Պաղեստինի ազգային վարչակազմի ԱԳ նախկին նախարար Նասեր ալ Քիդվան լրագրողներին:
Նա նշել է, որ պաղեստինցիների մեծամասնությունն ու արաբական ժողովրդները վստահ են, որ Արաֆատի մահը բնական չէր և նրան թունավորել են Իսրայելի հատուկ ծառայությունների գործակալները: «Կան բազմաթիվ նախանշաններ, որոնք վկայում են այդ վարկածի մասին և հարկավոր է հրապարակել արդյունքները, որոնք կմոտեցնեն մեզ վերջնական պատասխանին»,-ասել է Արաֆատի զարմիկը:
