Մինչ 2020 թվականը Հայաստանի կառավարությունը ծրագրում է եռապատկել կոնյակի արտահանման ծավալները

14 նոյեմբերի 2011 - 14:56 AMT

PanARMENIAN.Net - Արդյունաբերական ռազմավարության իրականացմամբ էապես կավելացվեն տարբեր ոլորտներում արտահանման ծավալները, հայտնել է Հայաստանի վարչապետ Տիգրան Սարգսյանը նոյեմբերի 13-ին Սևանում տեղի ունեցած Հայաստանի ազգային մրցունակության հիմնադրամի հոգաբարձուների խորհրդի հերթական նիստում: Վարչապետը ներկայացրել է Հայաստանի արդյունաբերության ռազմավարության մանրամասները, որը մշակվել է Համաշախարհային բանկի հետ: ՀԱՄՀ հոգաբարձուների խորհրդին ներկայացնելով արդյունաբերական քաղաքականության մանրամասները` Տիգրան Սարգսյանը նշել է, որ ռազմավարության մեջ ներառված են Հայաստանի արդյունաբերության 11 ճյուղեր: «Փորձել ենք բացահայտել մեր երկրի արդյունաբերական ներուժը` ըստ ճյուղերի, գնահատել, թե ինչպիսի հումքային, ինտելեկտուալ և ենթակառուցվածքային ռեսուրսներ ունենք»,- ասել է նա:

Վարչապետի խոսքով, առաջին երեք ճյուղերի` կոնյակագործության, դեղագործության և ճշգրիտ սարքաշինության ոլորտներում զարգացման ծրագրերն արդեն իսկ մշակվել են, որոնք քննարկվել են Հանրապետության Նախագահի գլխավորությամբ՝ մասնավոր հատվածի հետ միասին: Տիգրան Սարգսյանը նշել է, որ այս ոլորտներում առկա ռազմավարական ծրագրերը ենթադրում են արտահանման ծավալների կտրուկ ավելացում: Մասնավորապես, ծրագրվում է մինչ 2020 թվականը կոնյակի արտահանման ծավալները եռապատկել, իսկ դեղերի արտահանմանը՝ քառապատկել:

«Մեր նպատակն է՝ պետություն-մասնավոր համագործակցության ներքո ավելացնել մեր երկրի արդյունաբերական հզորությունները և արտահանումը: Ռազմավարության մեջ հստակ ֆիքսվել է, թե որ մարմինն ինչ աշխատանք պետք է իրականացնի: Սա լուրջ քայլ է, քանի որ Հայաստանի անկախության պատմության մեջ առաջին անգամ մեր երկիրն ունենալու է արդյունաբերական ռազմավարություն՝ ճյուղային գերակայություններով»,- նշել է կառավարության ղեկավարը:

Ինչպես նշվում է ՀՀ կառավարության մամլո ծառայության հաղորդագրության մեջ, նախորդ նիստի արձանագրությունները քննարկելուց և հաստատելուց հետո նիստի մասնակիցներն անդրադարձել են այլ երկրների փորձի հիման վրա Հայաստանի տնտեսության զարգացմանն ուղղված հարցերին:

2011թ. հունվար-սեպտեմբերին Հայաստանում արտադրվել է 9355,7 հազար լիտր կոնյակ, ինչը 17 տոկոսով ավելի է 2010-ի նույն շրջանի ցուցանիշից (7994,1 հազար լիտր):

Ուշագրավ

Ըստ ԿԲ-ի՝ Արցախի կուտակային կենսաթոշակային համակարգի գումարներն ապահով ակտիվներում են

Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը

Խաղողի 65,000 տ ավելցուկ կա. Մթերող ընկերությունները կսուբսիդավորվեն

Կապահովվի խաղողի մթերումների գործընթացի կազմակերպումը

ԵԱԶԲ–ն չի բացառել՝ ՀՀ տնտեսական աճը տարեվերջին կարող է գերազանցել 7․5%-ը

Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին

ԿԲ. Տեղահանված արցախցիների վարկերի մասով անհատական կամ ընդհանուր լուծումներ կառաջարկվեն

Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով