Հաջորդ շաբաթ Նախիջևանի Ինքնավար Հանրապետությունում կտեղադրվի 3 սեյսմիկ կայան: Այդ մասին հայտարարել է Ադրբեջանի հանրապետական սեյսմիկ կայանի սեյսմոլոգիական և գեոդինամիկ հետազոտությունների բաժնի պետ Թահիր Մամեդլին: Ըստ նրա, ներկայումս Ջուղայում գործում է սեյսմիկ կայան: Նոր կայանները տեղակայվել են Շահբուզում, Օրդուբադում ու Սադարակում:
Մամեդլին ասել է, որ ներկայումս երկրում գործում է 28 սեյսմիկ կայան: Նախիջևանում կայանների տեղակայումից հետո դրանց քանակը հասավ 31-ի: Ըստ Մամեդլիի, սեյսմիկ կայանների տեղակայումը թույլ կտա վերահսկել սեյսմիկ գործընթացները Ղարաբաղում, Հայաստանում ու Իրանում: «Այժմ Ղարաբաղի տարածքում սեյսմիկ ակտիվություն չկա: Սակայն, ամեն դեպքում կարևոր է վերահսկել այդ տարածքում կատարվող գործընթացները»,-ասել է նա, հայտնում է «ԱՊԱ» գործակալությունը: