Իշխանությունները պատրաստվում են արտահերթ ընտրությունների, կարծում է Վահագն Խաչատրյանը16 նոյեմբերի 2011 - 15:19 AMT PanARMENIAN.Net - Իշխանական կառույցներում վերջին հրաժարականները ցույց են տալիս, որ հայկական իշխանությունները պատրաստվում են արտահերթ ընտրությունների: Այդ մասին Երևանում մամլո ասուլիսի ժամանակ հայտարարեց Երևանի նախկին քաղաքապետ, ընդդիմադիր Հայ ազգային կոնգրեսի անդամ Վահագն Խաչատրյանը: Նրա խոսքով, իշխանության մեջ իր վերադասավորումներով Սերժ Սարգսյանը պետական ապարատը դարձնում է ավելի կոշտ և կառավարելի: Խաչատրյանը նաև նշեց, որ դա կարող են լինել և խորհրդարանական, և նախագահական արտահերթ ընտրություններ: Ինչ վերաբերվում է արտահերթ ընտրությունների հնարավորությանը, նա հայտնեց, որ «ելնելով Հայաստանի քաղաքական և տնտեսական իրավիճակից, դրանք կարող են կայանալ ցանկացած պահի»: Խաչատրյանը այդ կապակցությամբ նշեց, որ ՀԱԿ շարունակում է պատրաստվել երկրում արտահերթ ընտրությունների, աշխատում է իր կողմնակիցների հետ, և ապագա ընտրությունների համար պատրաստում է դիտորդներին և պատասխանատու անձանց: «Մենք պետք է պատրաստ լինենք», ընդգծեց նա: Հոկտեմբերի 28-ին հրաժարական է տվել Երևանի քաղաքապետ Կարեն Կարապետյանը: Երևանի նոր քաղաքեպետ է դարձել է փոխքաղաքապետ Տարոն Մարգարյանը: Նոյեմբերի 1-ին Հայաստանի խորհրդարանի խոսնակ Հովիկ Աբրահամյանը և ոստիկանության պետ Ալիկ Սարգսյանը հրաժարական են տվել: Հովիկ Աբրահամյանի խոսքով, ՀՀ նախագահ Սերժ Սարգսյանը հանձնարարել է իրեն գլխավորել ՀՀԿ նախընտրական շտաբը, և ինքն իր անձնական նախաձեռնությամբ առաջարկել է հրաժարական տալ, որպեսզի ավելի արդյունավետ ձևավորի շտաբն ու նախընտրական աշխատանքներ իրականացնի: Ոստիկանության նախկին պետ Ալիկ Սարգսյանը դարձավ Հայաստանի նախագահի խորհրդականը: Նրան փոխարինեց ՊՆ փոխնախարար Վլադիմիր Գասպարյանը: Նոյեմբերի 3-ին ՀՀ նախագահ Սերժ Սարգսյանի հրամանագրով Հայաստանի նախագահի աշխատակազմի ղեկավարի առաջին տեղակալ Միքայել Մինասյանը սեփական ցանկությամբ ազատվել է զբաղեցրած պաշտոնից: Միքայել Մինասյանը Հայաստանի Հանրապետական կուսակցության նախընտրական շտաբ է տեղափոխվել և նշանակվել է Հովիկ Աբրահամյանի առաջին տեղակալը: Ուշագրավ «Մենք համոզված ենք, որ կառուցողական երկխոսությունը հավասարների միջև անփոխարինելի է»,–ասել է նա Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա Ամենաընթերցվողը բաժնում | Բագրատ սրբազանն ուղերձ է հղել. Այլընտրանք չկա` կամ այսօր, կամ երբեք Կիրանցեցիները փակել են Հայաստան–Վրաստան միջպետական ճանապարհը Իդրամ Ջունիորն ու Կորիզը գործակցության հուշագիր են կնքել Կազմակերպությունները մշակում են ֆինանսական կրթության նոր մրցույթ ԿԽՄԿ աշխատակիցներն այցելել են Բաքվում պահվող Արցախի ղեկավարներին Նրանք կապ են հաստատել ընտանիքների հետ «Մեկնարկի՛ր». Կրթական հարթակ՝ ստարտափ ստեղծող երիտասարդների համար Ավագ դպրոցի աշակերտուհին որոշել է Վանաձորում թեմատիկ քվեսթ (quest) սենյակներ ստեղծել |