Բջջային հեռախոսներ արտադրող Nokia ընկերությունը իր արտադրանքների շարքում պատրաստվում է ավելացնել Windows 8 օպերացիոն համակարգով աշխատող պլանշետ։ Nokia France-ի ղեկավար Պոլ Ամսելեմն այս մասին ասել է ֆրանսիական թերթի հետ հարցազրույցում։ Նա նշել է, որ պլանշետը կթողարկվի 2012-ի հունիս ամսին, գրում է CNET-ը։

Եթե Nokia-ն անտեսի պլանշետային շուկան, ապա շուտով այդ շուկան դուրս կմղի Nokia-ին աճող արդյունաբերությունից: Nokia-ի մեկ այլ ներկայացուցիչ մեկնաբանել է Ամսելեմի տարածած տեղեկատվությունը հետևյալ կերպ. «Մենք դեռ որևէ հայտարարություն չենք արել պլանշետային համակարգիչների արտադրության վերաբերյալ»։

Հիշենք, որ Nokia-ն նոր է համագործակցում Microsoft-ի հետ և արդեն թողարկվել են Microsoft բջջային օպերացիոն համակարգով՝ Windows Phone-ով աշխատող Nokia սմարթֆոններ։ Ընկերությունը մեծ հույսեր է կապում Microsoft-ի հետ։

Նշենք, որ նոր Windows 8 օպերացիոն համակարգը նախատեված է թե՛ սովորական, թե՛ պլանշետային համակարգիչների համար։