  ՀՀ նախագահը վստահ է, որ Ցվետանա Պասկալևան կմնա ղարաբաղյան պայքարի ամենաակտիվ մասնակիցներից մեկը  18 նոյեմբերի 2011 - 15:08 AMTPanARMENIAN.Net - Նոյմեբերի 18-ին ՀՀ նախագահը մասնակցել է բուլղարացի լրագրող, ռեժիսոր, սցենարիստ ու օպերատոր Ցվետանա Պասկալևայի «Ղարաբաղի վերքերը» ֆիլմի տեսասկավառակի շնորհանդեսին: Ինչպես հայտարարել է միջոցառման ժամանակ նախագահը, «ոչ թե Պասկալևան պետք է մեզ շնորհակալություն հայտնի սկավառակի թողարկման համար, այլ մենք նրան՝ կատարած աշխատանքի համար, քանի որ նա իր կյանքի մեծ մասը նվիրել է մեր պայքարին, եղել է հայ զինվորի կողքին և իր տեսախցիկով հավերժացրել այն մարդկանց, որոնք արժանապատվորեն մարտնչել են հանուն հայրենիքի»: Նա նշել է, որ, թե չլինեին Պասկալևայի աշխատանքները, մարդիկ ամբողջական պատկերացում չէին ստանա ղարաբաղյան հակամարտության մասին: Սերժ Սարգսյանը նշել է, որ չնայած նրան, որ ռազմական գործողությունները դադարել են, չի կարելի բացառել, որ դրանք կարող են վերսկսվել: «Ղարաբաղյան հակամարտության մեջ նոր փուլ է սկսվել, որտեղ բոլորը պետք է պայքարեն և ապացուցեն աշխարհին ղարաբաղցիների պայքարի ճշմարտացիությունը»: «Ես վստահ եմ, որ Ցվետանա Պասկալևան կմնա այդ պայքարի ամենաակտիվ մասնակիցներից մեկը»,-ասել է Սերժ Սարգսյանը: Պասկալևան թիվ 001 տեսասկավառակն ու հավաստագիրը հանձնել է ՀՀ նախագահին: Սկավառակում ընդգրկված է 7 ֆիլմ: Այն թողարկվելու է վեց լեզուներով՝ հայերեն, ռուսերեն, անգլերեն, իսպաներեն, ֆրանսերեն, բուլղարերեն: Տեսասկավառակը թողարկել է Armenia music center ընկերությունը:   9 18.11.11 - Ցվետանա Պասկալեվայի ֆիլմերի տեսասկավառակի շնորհանդեսը            4 16.11.11 - Ցվետանա Պասկալեւայի 7 վավրեագրական ֆիլմերից բաղկացած "Ղարաբաղի վերքերը" ֆիլմաշարի տեռսասկավառակի շնորհանդես     Ուշագրավ Պատճառը Մերձավոր Արևելքում հակամարտության սրացումն է Դավոյանն ասել է, որ արդարադատության նախարարի պաշտոնը պետք է զբաղեցնի իշխող քաղաքական թիմի անդամ Տեղի է ունեցել Ամենայն Հայոց կաթողիկոսի և Պոլսո Հայոց պատրիարքի առանձնազրույցը Ավելին` հակաբիոտիկների ոչ նպատակային կիրառումը կարող է բերել դեղի նկատմամբ կայունության զարգացման   Ամենաընթերցվողը բաժնում |  Սյուժե Վերջին լուրեր Ռուսները կհեռանան ՀՀ-Իրան պետսահմանի հսկիչ-սահմանային կետից․ Համաձայնությունը ձեռք է բերվել Փաշինյան–Պուտին հանդիպմանը  Փաշինյանը շնորհակալություն է հայտնել ՌԴ ԱԴԾ Սահմանապահ զորքերի իրականացրած ծառայության համարՄեսսիի եղբայրը Թումոյին է նվիրել Մեսսիի մակագրած շապիկը Հյուրերը ծանոթացել են Թումոյի կրթական մոդելին և պատանիներինՊեսկով․ Պուտինն Ալիևի և Փաշինյանի հետ բանակցելիս քննարկել է «Զանգեզուրի միջանցքը» «Նախագահը յուրաքանչյուրի հետ մի կես ժամ անցկացրել է»,–ասել է նա |
