11.07.2000. ՄԵԴԻԱՄԱՔՍ, ԵՐԵՎԱՆ.Օգոստոսի 21-26-ը Հայաստանի հակաօդային պաշտպանության եւ ռազմաօդային ուժերի ստորաբաժանումները կմասնակցեն ՌԴ Աստրախանի շրջանի «Աշուլուք» ռազմաօդային ուժերի հրաձագարանում անցկացվելիք ԱՊՀ անդամ պետությունների հակաօդային պաշտպանության «Մարտական համագործակցություն-2000» համատեղ զորավարժություններին:
Զորավարժություններին կմշակվեն հակաօդային պաշտպանության հերթապահ զորամասերի գործողությունները` պետական սահմանի խախտումները կանխելու ուղղությամբ: Զորավարժություներին կմասնակցեն Հայաստանի, Բելառուսի, Ղազախստանի, Ղրղզստանի, Թաջիքստանի, Ռուսաստանի, Ուզբեկստանի եւ Ուկրաինայի հակաօդային եւ ռազմաօդային ստորաբաժանումներն ու զորամասերը: Զորավարժություններում մասնակցող անձնակազմի ընդհանուր քանակությունը կգերազանցի 1000 մարդ` 100 միավոր ռազմատեխնիկայի եւ 60 թռչող ապարատների առկայությամբ:
Զորավարժությունները կղեկավարի ԱՊՀ անդամ պետությունների նախարարների խորհրդին կից հակաօդային պաշտպանության հարցերով կոորդինացիոն կոմիտեի նախագահ, Ռուսաստանի ռազմաօդային ուժերի գլխավոր հրամանատար գեներալ Անատոլի Կորնուկովը: --0--