Քիչ հետո կմեկնարկի «Մարդամեջ» սոցիալական նորարարության ճամբարը18 նոյեմբերի 2011 - 17:42 AMT PanARMENIAN.Net - Այսօր երեկոյան Ծաղկաձորում մեկնարկում է Հայաստանում առաջին անգամ անցկացվող «Մարդամեջ» կոչվող սոցիալական նորարարության ճամբարը: Ճամբարի մասնակիցները երկու օր շարունակ կմշակեն են ծրագրային փաթեթներ՝ տեղեկատվական տեխնոլոգիաները ծառայեցնելով սոցիալական խնդիրների լուծմանը: Ճամբարի գաղափարների մրցույթը շահել է 6 ծրագիր: Այսօր ճամբարի մասնակիցները կբաժանվեն վեց թիմերի և կքննարկեն իրենց գաղափարները: «Մարդամեջի» երկրորդ օրը՝ նոյեմբերի 19-ին, նրանք կաշխատեն գաղափարների իրականացման ուղղությամբ, դե իսկ նոյեմբերի 20-ին շնորհանդեսների տեսքով թիմերը կներկայացնեն իրենց պատրաստի նախագծերը: Ընտրված գաղափարներն են՝ նախընտրական խոստումների մոնիտորինգի հարթակ (հեղինակ՝ Արամ Թովմասյան), պետական պոլիկլինիկաներում սպասարկման և հիվանդների շահերի պաշտպանության մոնիտորինգ և հանրայնացում ՝ Անի Դավթյան, հիպերտեղայնացված համայնքային նորությունների հարթակ՝ Գայանե Միրզոյան, հասարակական տրանսպորտի չվացուցակ՝ Լիլիթ Մանուկյան, «Հազար ու մի մանրուք» - կենցաղային խորհրդատվական սոցիալական ցանց՝ Սամվել Մարտիրոսյան, Wish2Real – ինտերնետային կայք, որի միջոցով սոցիալական կարիք ունեցող մարդիկ կարող են գտնել օգնության հնարավորություն առաջարկող մարդկանց կամ կազմակերպություններ՝ Ստեփան Սմբատյան: Ճամբարի ավարտին որոշ թվով ծրագրեր կստանան ֆինանսական աջակցություն Լրատվության այլընտրանքային ռեսուրսներ ծրագրի և ՄԱԿ-ի Զարգացման գրասենյակի կողմից՝ նախագծերն իրականացնելու համար: Ճամբարը իրականացվում է Եվրասիա համագործակցություն հիմնադրամի կողմից ԱՄՆ Միջազգային զարգացման գործակալության աջակցությամբ «Լրատվության այլընտրանքային ռեսուրսներ» ծրագրի շրջանակներում` ՄԱԿ-ի Զարգացման գրասենյակի համաֆինանսավորմամբ: Սոցիալական նորարարության ճամբարը աշխարում հանրահայտ` սոցիալական խնդիրները նոր գործիքներով լուծելու մեթոդ է: Այս մեթոդը կիրառելի է առողջապահության, կրթության, բնապահպանության, արդարադատության, համայնքների զարգացման կամ ցանկացած այլ ոլորտներում նորարարական լուծումներ գտնելու համար: Ճամբարի կարգախոսն է` «Օգտագործել օնլայն աշխարհը` օֆլայնը փոխելու համար»: Հղումներ թեմայով. Ուշագրավ Այդ մասին նա գրել է ֆեյսբուքյան իր էջում Այդ մասին ասել է հարթակի հիմնադիր Պավել Դուրովը Արա Խաչատրյանը գլխավոր տնօրենի պաշտոնը ստանձնել էր 2020 թվականի ապրիլից Ըստ Քերոբյանի, առնվազն 20 մլրդ դրամ հարկ կհավաքվի Ամենաընթերցվողը բաժնում | Էրդողանը հերթական ժխտողական ուղերձն է հղել Ապրիլի 24–ի կապակցությամբ «Օսմանյան կայսրության քաղաքացի հայերը զոհվել են Առաջին աշխարհամարտի ընթացքում ի հայտ եկած ծանր պայմանների հետևանքով»,–ասել է նա Freedom House–ը մտահոգված է ՀՀ-ում ոստիկանական բռնության մասին հաղորդումների աճով Կազմակերպությունը կոչ է արել ՀՀ իշխանություններին հետաքննել «անհամաչափ ուժի և անմարդկային վերաբերմունքի դեպքերը» Տասմագամբետով․ ՀԱՊԿ-ից դուրս գալը կլինի ՀՀ ինքնիշխան որոշումը, բայց այդ դեպքում ուժերի բալանսը Հրվ. Կովկասում կարող է փոխվել Նա նշել է, թե կազմակերպությունը լիովին պահպանում է իր պարտավորությունները Երևանի նկատմամբ Գարեգին Բ․ Հերոսական անցյալով հզոր մեր ժողովուրդը պիտի հեռացնի իր կյանքից ազգային շահերին հակառակ կործանարար դրսևորումները Նա նշել է, որ մտահոգիչ ծանր իրավիճակ է Հայաստանի սահմանային տարածքներում |