Օնկոլոգիական հիվանդություններով և լեյկեմիայով հիվանդ երեխաների համար նոր կենտրոն կբացվի 18 նոյեմբերի 2011 - 17:45 AMT PanARMENIAN.Net - ՀՀ առողջապահության նախարար Հարություն Քուշկյանը և «Նվիրիր կյանք» բարեգործական հիմնադրամի հոգաբարձուների խորհրդի անդամ Շուշանիկ Արևշատյանն այսօր լրագրողներին են ներկայացրել օնկոլոգիական հիվանդություններով և լեյկեմիայով հիվանդ երեխաների համար նոր կենտրոն ստեղծելու վերաբերյալ իրենց նախաձեռնությունը: «Ընդհանրապես օնկոլոգիայի և հեմատոլոգիայի խնդիրները միշտ գտնվում են հանրապետության նախագահի ուշադրության կենտրոնում և հանդիսանում են նախագահի ռազմավարական ծրագրերից առողջապահության ոլորտում»,- նշել է ՀՀ առողջապահության նախարար Հարություն Քուշկյանը: Նախարարը տեղեկացրել է, որ 2012 թվականի ընթացքում Համաշխարհային բանկի հետ համատեղ պետք է ստեղծվի Մանկական օնկոլոգիայի, մանկական հեմատոլոգիայի և մանկական օնկոհեմատոլոգիայի ժամանակակից կենտրոն, որպեսզի այն երեխաները, որոնք տառապում են այդ հիվանդություններով, կարողանան ժամանակակից և ճշգրիտ ախտորոշում, բուժում, և անհրաժեշտության դեպքում ոսկրածուծի փոխպատվաստում ստանալ հարազատ երկրում: «Նվիրիր կյանք» բարեգործական հիմնադրամի հոգաբարձուների խորհրդի անդամ Շուշանիկ Արևշատյանի խոսքով` հիվանդ երեխաներին արտասահմանում բուժելու համար հսկայական միջոցներ են պահանջվում, սակայն հաճախ այդ ջանքերն ապարդյուն են: «Մանակական մասնագիտացված կլինիկան, լինելու է առաջինը Անդրկովկասում, այն համալրվելու է անհրաժեշտ նորագույն սարքավորումներով և չի զիջելու Գերմանիայում և Իսրայելում գործող նմանատիպ կլինիկաներին»,-ասել է Շուշանիկ Արևշատյանը:   Ուշագրավ Փաշազադեն հայտարարել էր, թե «հայկական եկեղեցին, ռևանշիզմ է քարոզում” Հավաքի նպատակն է քննարկել ու բարձրաձայնել Արցախի ժողովրդի առաջարկներն ու պահանջները Առաջարկվում է նաև տուգանային միավոր սահմանել նաև լուսաթափանցելիության կանոնի խախտման համար Ամփոփվել են միասնական քննությունների առաջին փուլի արդյունքները   Ամենաընթերցվողը բաժնում |  Վերջին լուրեր Փաշինյան․ Ռուսական հենակետերը դուրս կբերվեն Տավուշից  Խոսելով հայ սահմանապահների տեղակայման ժամկետների մասին` նա շեշտել է, որ այդ գործընթացը պետք է հնարավորինս արագ անելՎարչապետ․ Որոշումը նվազեցնելու է անվտանգային ռիսկը Բաղանիս-Կիրանց-Ոսկեպար հատվածում և ՀՀ սահմանի ամբողջ երկայնքով Նա ընդգծել, որ իհարկե, սա ձեռքբերում է Ադրբեջանի համար, բայց սա նաև էական ձեռքբերում է նաև ՀՀ համարՏավուշցիները կրկին բողոքի են դուրս եկել Նրանք ընդգծել են, որ իրենց բոլորովին այլ կերպ են ներկայացրել իրավիճակըՓաշինյան. Առաջին անգամ Հայաստանը և Ադրբեջանը սեղանի շուրջ հարց են լուծել, պետք է գնահատենք «Շատ կարևոր է արձանագրել»,–ասել է նա |
