Հանրային խորհրդի Արցախի գծով ենթահանձնաժողովի աշխատանքային խմբի անդամներն առաջարկում են այն կալանավորներին, որոնք վտանգ չեն ներկայցնում հանրության համար, բնակեցնել սահմանամերձ գյուղերում: Ինչպես մամլո ասուլիսում հայտարարել է գրող և հրապարակախոս, վերոնշյալ աշխատանքային խմբի անդամ Բակուր Կարապետյանը, կալանավորների թվում հաճախ պատահում են մտավորականներ, որոնք վտանգ չեն ներկայացնում հանրության համար: «Եթե մարդը պետք է կալանավայրում մոտ 10 տարի անգործ նստի, ապա խափանման միջոցը փոխելու դեպքում, այդ կալանավորների ընտանիքների հետ միասին կարելի է կացարանով ապահովել սահմանամերձ գյուղերում և, այդպիսով, նրանք կկարողանան քավել իրենց մեղքն աշխատանքով: Նա բերել է մի ինժեներ-տեխնոլոգի օրիանկը, որը երեք երեխաներին կերակրելու համար չորս հավ էր գողացել և դատապարտվել 5 տարվա ազատազրկման:
Ըստ Կարապետյանի, մեղքը հանրությանն է, պետությանն ու իշխանություններինը, որոնք չեն կարողացել ապահովել եիտասարդ ընտանիքների նվազագույն պահանջները: «Բանտախցում այդ ինժեների հարևանն էր մի ուսուցիչ, որն, օրինակ, կարող է դասավանդել սահմանամերձ մի գյուղում»,-ասել է Կարապետյանը: Նա նշել է, որ սահմանամերձ գյուղերի բնակեցումը լուրջ խնդիր է, որի լուծումը այս եղանակով կարող է արդյունավետ լինել: Ըստ նրա, բոլոր կալանավորները համաձայն են ապրել ու աշխատել սահմանամերձ գյուղերում: