 WebԾիրան կինոփառատոնի ֆիլմերը առաջին շաբաթվա ընթացքում դիտվել են 2760 անգամ 22 նոյեմբերի 2011 - 18:31 AMT PanARMENIAN.Net - Նոյեմբերի 15-ին Webtv.am ինտերնետ հեռուստատեսությամբ մեկնարկած WebԾիրան առաջին համահայկական օնլայն կինոփառատոնի առաջին շաբաթվա ընթացքում ցուցադրված յոթ ֆիլմերը Webtv.am ինտերնետ հեռուստատեսությամբ դիտել են 2760 անգամ: Նոյեմբերի 22-ին մեկնարկեց WebԾիրան առաջին համահայկական օնլայն կինոփառատոնի երկրորդ շաբաթը: Այս անգամ webtv-ի լսարանը դիտելու է 9 ֆիլմ: Մինչև դեկտեմբերի 20-ը` Webtv.am ինտերնետ հեռուստատեսությամբ ցուցադրվելու են մինչև 20 րոպե տևողության ամենատարբեր ժանրերի 35-ից ավելի ֆիլմ` 6-8 ֆիլմ յուրաքանչյուր շաբաթ: WebԾիրան-ում չկան ոչ լեզվական, ոչ ժանրային, ոչ տեխնիկական չափորոշիչներով պայմանավորված սահմանափակումներ: Փառատոնն անցկացվում է առաջին անգամ և դիտվում է որպես ստեղծագործողների համար իրենց գործերը ներկայացնելու հարթակ, ինչպես նաև նրանց ոգևորելու, որոշակի կինոմթնոլորտ ստեղծելու քայլ: Ֆիլմերի ցուցադրության ծրագիրը կարելի է գտնել WebԾիրանի, «Ոսկե Ծիրան» միջազգային կինոփառատոնի, Webtv ինտերնետ հեռուստատեսության ֆեյսբուքյան էջերում: Գլխավոր երկու մրցանակներն են 1000 և 500 ԱՄՆ դոլարին համարժեք դրամը, որոնք հաղթողներին կհանձնվեն դեկտեմբերի 25-ին։ Կլինեն նաև անակնկալ խրախուսական մրցանակներ «Ոսկե Ծիրան» միջազգային կինոփառատոնի, Webtv-ի կողմից: «WebԾիրան» համահայկական կինոփառատոնի գլխավոր հովանավորն է ՎիվաՍել-ՄՏՍ-ը: Նյութեր թեմայով.   Ուշագրավ Տիգրան Ավինյանն ու Գրեգորի Դուսեն այցելել են պատմական թաղամաս Snap-ը պլատինե երգի կարգավիճակ է ստացել նաև մի քանի այլ երկրներում Հայկական դուդուկի երաժշտությունը ՅՈՒՆԵՍԿՕ-ի ցանկում է ընդգրկվել դեռևս 2008 թ․ Ցուցադրությունը կազմակերպվում է այս երեք ֆիլմերի Պոմպիդու կենտրոնին հանձնման արարողության առիթով   Ամենաընթերցվողը բաժնում |  Բաժիններ թեմայով Վերջին լուրեր Ըստ ՄԱԿ–ում Թուրքիայի ներկայացուցչի՝ Հայաստանը ճիշտ ճանապարհով է շարժվում  «Ադրբեջանական գյուղերի վերադարձը տարածաշրջանում խաղաղության վերականգնման առանցքային գործոն է»,–ասել է նաՔՊ–ական պատգամավոր․ «Շողակաթը» ի՞նչ հեռուստաընկերություն է, ո՞ւմ է պատկանում, ի՞նչ պիտի եթեր տա Հակոբյանը պատասխանել, որ կարծում են, որ ալիքի եկեղեցական բաղադրիչը պետք է նվազեցվիՄիրզոյանը՝ ՀԱՊԿ–ի մասին․ Չենք ուզում մաս կազմել չաշխատող մեխանիզմի «Մենք դեռ ՀԱՊԿ անդամ ենք, բայց պետք է աշխատենք, որ բոլոր մեխանիզմները գործեն»,–ասել է նաՀՌՀ նախագահն առաջարկում է սահմանափակել TikTok-ի հասանելիությունը ՀՀ-ում Նա նշել է, որ նույնիսկ ամենաժողովրդավարական երկրները սկսում են սահմանափակել |
