Ճգնաժամի երկրորդ ալիքի հնարավորության դեպքում զարգացող երկները կտուժեն ավելի քիչ, քան զարգացածները, քանի որ կենտրոնացած են հիմնականում ներքին ապառման վրա, կարծում է Բորսայական առևտրի միջազգային ակադեմիայի ռեկտոր Վենիամին Սաֆինը: «Չգիտեմ ինչպես Հայաստանը, բայց Ռուսաստանը, չնայած արդյունաբերության ոլորտում որոշ անկմանը, ավելի թեթև հաղթահարեց ճգնաժամը, քան Ամերիկան և Եվրոպայի զարգացած երկրները», ասաց նա նոյեմբերի 23-ին Երևանում մամուլի ասուլիսի ժամանակ:
Նրա խոսքով, ճգնաժամը չի ավարտվել, քանի որ աճի տեմպերը չեն հասել նախաճգնաժամային մակարդակի: «Արդյունաբերության աճի տեմպերը իջել են, և մոտակա տարիներին ոչ ոք չի կանխատեսում դրանց աճը»,- ասաց նա: Այդ կապակցությամբ, փորձագետը ավելացրեց, որ աճի տեմպերը զարգացած երկներում տարվա կտրվածքով կհասնեն առավելագույնը մինչև 5 տոկոսի, բայց դա բնական գործընթաց է: Իրականում, Սաֆինի կարծիքով, ճգնաժամը վրա է հասնում այն պահին, երբ հասարակությունը սկսում է ավելի վատ ապրել: