Հայաստանը միշտ կողմ է ինտեգրացիոն գործընթացներին, եթե դրանք շահավետ են տնտեսապես, ծառայում են դեպի Հայաստան նոր ռեսուրսների ներգրավմանը կամ նոր շուկաների բացմանը: Այդ մասին հայտարարել է ՀՀԿ խորհրդարանական խմբակցության անդամ Արտակ Զաքարյանը, Հայաստանի արտաքին քաղաքական խնդիրների քննարկմանը նվիրված քաղաքական քննարկումների ժամանակ: Մենք երբեք դեմ չենք եղել ինտեգրացիոն գործընթացներին: Ոչ արևմտյան կազմակերպությունների, ոչ արևելայն, ոչ եվրոպական, ոչ եվրասիական»,-ասել է նա:
Ընդ որում, Զաքարյանը նշել է, որ Եվրասիական միությունը կստեղծվի Մաքսային միության բազայի վրա, որին չմիանալու մասին Հայաստանն արդեն պաշտոնապես հայտարարել է: Նա նաև նշել է, որ դեռևս չափազանց վաղ է խոսել Եվրասիական միությանը Հայաստանի միանալու մասին, քանի որ «նրա հեռանկարները դեռևս մշուշոտ են նույնիսկ նրա մասնակիցների համար»:
Ռուսաստանի, Ղազախստանի ու Բելառուսի նախագահները նոյեմբերի 18-ին ստորագրել են Միասնական տնտեսական տարածքի մասին փաստաթղթերի փաթեթը:
Քննարկումը կազմակերպել էր Քաղաքական և միջազգային հետազոտությունների հայկակակն կենտրոնը՝ NDI-ի աջակցությամբ:
