«Ժառանգություն» կուսակցությունը դեմ է հանդես գալիս Հայաստանի անդամակցությանը Եվրասիական միությանը և երկրի ապագան կապում է Եվրոպայի հետ: Այդ մասին հայտարարել է «Ժառանգություն» խորհրդարանական խմբակցության ղեկավար Ստեփան Սաֆարյանը Հայաստանի արտաքին քաղաքական խնդիրների քննարկմանը: Նա հայտարարել է, որ Հայաստանը պետք է հստակ հետևի եվրաինտեգրման ճանապարհին, իսկ անդամակցությունը Եվրասիական միությանը անհնար կդարձնի ԵՄ հետ ասոցիացիայի պայմանագիրը:
Ըստ Սաֆարյանի, հենց եվրաինտեգրման ուղղվածությանը հավատարիմ մնալու պատճառով էր «Ժառանգությունը» դեմ ՀՀ-ում ռուսական ռազմակայանի տեղակայման ժամկետների երկարացմանը:
Ռուսաստանի, Ղազախստանի ու Բելառուսի նախագահները նոյեմբերի 18-ին ստորագրել են Միասնական տնտեսական տարածքի մասին փաստաթղթերի փաթեթը:
Քննարկումը կազմակերպել էր Քաղաքական և միջազգային հետազոտությունների հայկական կենտրոնը՝ NDI-ի աջակցությամբ:
