«Վրաստանի Հայ Համայնքը» բաց նամակ է հղել Վրաստանի և Հայաստանի նախագահներին28 նոյեմբերի 2011 - 16:58 AMT PanARMENIAN.Net - «Վրաստանի Հայ Համայնքը» դիմել է Վրաստանի և Հայաստանի նախագահներ Միխայիլ Սահակաշվիլիին և Սերժ Սարգսյանին` խնդրելով ՀՀ նախագահի` նոյեմբերի 29-30-ը Վրաստան նախանշված պաշտոնական այցի շրջանակում նախատեսված հանդիպումների ժամանակ այլ հարցերի թվում ուշադրություն հրավիրել և քննարկել նաև հարցեր, որոնք կնպաստեն երկու ժողովուրդների բարիդրացիական հարաբերությունների բարելավմանը: Ներքոշարադրյալում ներկայացված են այն հիմնական մարտահրավերները, որոնց առջև կանգնած է Վրաստանի հայությունը: Թբիլիսիում վերջին տարիների ընթացքում փակվում են հայկական դպրոցները/բաժինները և հեռացվում են պրոֆեսիոնալ մանկավարժները: «Մեր կողմից բազմիցս արձանագրվել են ազգային փոքրամասնությունների (հայերի) իրավունքների խախտման փաստեր. մայրենի լեզվով կրթություն ստանալու դեմ արհեստական խոչընդոտների ստեղծում, հայկական դասարանները փակելու կամ չբացելու փորձեր և փաստեր, հայկական բաժիններում միավորված դասարանների ստեղծում, մանկավարժներին աշխատանքից անհիմն հեռացում և այլն: Այս ամենի մասին տեղյակ են պահվել պետական բազմաթիվ հաստատություններ, այդ թվում` Վրաստանի Կրթության և գիտության նախարարությունը: Հարցը մինչև հիմա մնում է չլուծված»: Համայնքը բարձրացնում է նաև Խորհրդային իշխանության ժամանակ Հայ Առաքելական եկեղեցուց խլված ունեցվածքի վերադարձի հարցը, այն է` եկեղեցիների և այլ շինությունների ու հուշարձանների` իրենց օրինական տերերին վերադարձնելու և դրանք վերականգնելու խնդիրը: «Բացի դրանից, Վրաստանը դեռևս չի ճանաչել և չի դատապարտել 1915-1923 թ.թ. Օսմանյան Կայսրությունում տեղի ունեցած Հայոց ցեղասպանությունը: Մենք ամեն տարի դիմում ենք Վրաստանի համապատասխան կառույցներին և գերատեսչություններին` կոչ անելով ճանաչել աշխարհի առաջատար պետությունների կողմից արդեն ճանաչված Հայոց ցեղասպանությունը»,- գրում են համայնքի ներկայացուցիչները: Վերջին շրջանում Վրաստանում հաճախակիացել են հայատյաց հայտարարությունները և գործողությունները: Մասնավորապես, պատերին հայերին ուղղված վիրավորական մակագրությունները, հայկական եկեղեցի ներխուժումը, Սուրբ Գրքի թերթերը պոկելը և այրելը, վիրավորական հայտարարություններ անելը: Թվարկված փաստերը սպառնալիք են առաջացնում և վտանգ են ներկայացնում երկու ժողովուրդների հարաբերությունների սրման համար: Ի հավելումն այս ամենի, վրացական ԶԼՄ-ներում ավելանում են հակահայկական և հայատյաց արտահայտությունները և ելույթները: «Մենք` «Վրաստանի Հայ Համայնքի» անդամներս, հույս ունենք, որ Հայաստանի նախագահի այցը դրականորեն կանդրադառնա և կամրապնդի վրաց-հայկական բազմադարյա բարեկամական հարաբերությունները, կնպաստի վերոնշյալ խնդիրների կարգավորմանը»,- ընդգծվում է նամակում: Պաշտոնական վերջին տվյալներով, Վրաստանում ապրում է ավելի քան 240 000 ազգությամբ հայ Վրաստանի քաղաքացի: Վրաց և հայ ժողովուրդներին միավորում են բազմադարյա պատմությունը և բարիդրացիական հարաբերությունները: Վրացական պետության ստեղծման և կազմավորման գործում մեծ ներդրում ունեն նաև Վրաստանի հայերը: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | Բագրատ սրբազան․ Մեծ հանդիպում ենք նախատեսում բոլոր քաղուժերի հետ` քննարկվելու է վարչապետի թեկնածուի հարցը Նա նշել է, որ Բաքվի բանտերում պահվող Արցախի ղեկավարության հետ աղ ու հաց են կիսել, բայց հարցը չեն բարձրաձայնում Փաշինյանը՝ Ադրբեջանի հետ խաղաղ գործընթացի մասին. Տիեզերք թռիչքները ևս անիրական էին թվում Նա ընդգծել է, որ ՀՀ ռազմավարությունն ուղղված է տարածաշրջանի հարևանների հետ տնտեսական ինտեգրման խորացմանը Ուրուգվայի Ներկայացուցիչների պալատը միաձայն ընդունել է ապրիլի 24-ը Հայոց ցեղասպանության հիշատակի օր հռչակող օրինագիծը Նախաձեռնությունը Սենատի կողմից հավանության էր արժանացել մայիսի 7-ին ՀՀ–ն և Սլովակիան պայմանավորվել են ռազմատեխնիկական գործակցության շուրջ Կարեն Բրուտյանի գլխավորած պատվիրակությունը Բրատիսլավայում է |