«ՀԿԵ» ՓԲԸ-ն և «BFI» ՍՊԸ-ն ստորագրել են երկաթուղային բեռնափոխադրումների կարգավորման մասին պայմանագիրը

29 նոյեմբերի 2011 - 16:18 AMT

PanARMENIAN.Net - «Հարավկովկասյան երկաթուղի» ՓԲԸ գլխավոր տնօրեն Շևկետ Շայդուլլինը և «Black Sea Ferry and Investments» (BFI) ՍՊԸ գլխավոր տնօրեն Խոկիմ Մատչանովն երեկ երեկոյան ստորագրեցին երկաթուղային բեռնափոխադրումների կարգավորման մասին պայմանագիրը: Համաձայն սույն պայմանագրի, «ՀԿԵ» ՓԲԸ-ն «Black Sea Ferry and Investments» ընկերությանը կտրամադրի իր շարժակազմը Հայաստանի համար նախատեսված բեռների տեղափոխման նպատակով, ինչպես նաև մատուցելու է երկաթուղային բեռնափոխադրումների գործընթացի կարգավորման ծառայություններ:

Ինչպես նշվում է ընկերության մամլո ծառայության հաղորդագրության մեջ, ՀԿԵ-ն` որպես համազգային տրանսպորտային ընկերություն, հատուկ ուշադրություն է դարձնում Կովկաս նավահանգիստ-Փոթի նավահանգիստ-Կովկաս նավահանգիստ ծովային լաստանավային երկաթուղային գծի օպերատոր հանդիսացող «Black Sea Ferry and Investments» ՍՊԸ-ի հետ ռազմավարական համագործակցության զարգացմանը: Հիշեցնենք, որ նշված երկաթուղային լաստանավային գծով է Հայաստան ներկրվում բեռների մեծ մասը:

BFI – ն հանդիսանում է մի քանի երկաթուղային լաստանավային ուղղղությունների օպերատոր` օրինակ, «Կովկաս-Փոթի» և «Կովկաս-Սամսուն» Սև ծովում, «Ուստ Լուգա - Բալթիյսկ» և «Ուստ Լուգա – Զասնից» Բալթիկ ծովում, որտեղ շահագործում է «Սմաթ», «Ֆերուզ» և «Պետերբուրգ» երկաթուղային լաստանավեր:

Կովկաս լաստանավ – Փոթի լաստանավ – Հայաստանի Հանրապետություն միջազգային տրանսպորտային միջանցքը թույլ է տալիս սեղմ ժամկետներում և նվազագույն ծախսերով կազմակերպել դեպի Հայաստան բեռնափոխադրումների գործընթացը: Այս լաստանավային ուղղության վրա գործում է ունիվերսալ երկաթուղային-լաստանավային «Սմաթ» նավը: Նավի տարողությունը կազմում է 50 ցիստերն (50 ցորենի վագոն) կամ 40 ունիվերսալ փակ վագոն, 21220 ֆութանոց կոնտեյներ: Տարեկան «Կովկաս-Փոթի» գծի վրա գործող BFI ընկերության նավերն երկու ուղղություններով իրականացնում են 40 ռեյսեր և փոխադրում են 1500 վագոն բեռ:

Ուշագրավ

Ըստ ԿԲ-ի՝ Արցախի կուտակային կենսաթոշակային համակարգի գումարներն ապահով ակտիվներում են

Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը

Խաղողի 65,000 տ ավելցուկ կա. Մթերող ընկերությունները կսուբսիդավորվեն

Կապահովվի խաղողի մթերումների գործընթացի կազմակերպումը

ԵԱԶԲ–ն չի բացառել՝ ՀՀ տնտեսական աճը տարեվերջին կարող է գերազանցել 7․5%-ը

Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին

ԿԲ. Տեղահանված արցախցիների վարկերի մասով անհատական կամ ընդհանուր լուծումներ կառաջարկվեն

Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով