Արգենտինայի հավաքականի ավագ Տիտո Վասկեսը Իսպանիայի հետ Դևիսի գավաթի եզրափակչից առաջ հայտարարել է, թե հպարտ է, որ իր սաները դուրս են եկել Դևիսի գավաթի եզրափակիչ: «Յուրաքանչյուրը մեր հավաքականում շատ լուրջ է վերաբերվում տվյալ մրցումներին: Մենք պատրաստվում ենք իսպանացիների հետ մենամարտին արդեն 3 շաբաթվա ընթացքում: Խաղաշրջանի ավարտին բոլոր թենիսիստները հոգնած են լինում, սակայն մենք ուժեղ կազմով ենք հանդես գալիս և պատրաստ ենք մեծ պայքարի»,-Վասկեսի խոսքերն է մեջբերում gotennis.ru-ն:

Մարզիչն ընդգծել է, որ նրանք շատ ծանր տարան պարտությունը իսպանացիներից 2008թ., երբ մոտ էին հաջողության: «Դա շատ պատասխանատու խաղ է, մեր խաղին հուզմունքով կհետևեն հայրենիքում: Բացի այդ, Արգենտինան երբեք չի նվաճել Դևիսի գավաթը և այժմ մենք նման շանս ունենք: Ես կցանկանայի, որ իմ սաները հաղթեին և մեր անունը գրվեր արգենտինական թենիսի պատմության մեջ»,-հայտարարել է նա:

Վասկեսը չի համարում, թե սա գավաթը նվաճելու Դավիթ Նալբանդյանի վերջին շանսն է: «Շատ բարդ է լավ մարզավիճակի հասնել, երբ մի վնասվածքը մյուսին է հաջորդում: Ուստի այժմ Դավիթը պետք է շահագրգռված լինի ցույց տալ այն ամենն, ինչին ընդունակ է»,-ասել է նա