Այս տարի «Մանկական եվրատեսիլ»-ի քվեարկության կանոնները փոխվել են

PanARMENIAN.Net - «Մանկական եվրատեսիլ 2011» երգի մրցույթն այս տարի հանդես է գալու որոշակի փոփոխություններով: Ինչպես լրագրողների հետ հանդիպման ժամանակ ասաց մրցույթի ղեկավար Սիթսե Բաքերը, մրցույթում նախկինում քվեարկությունը սկսում էր հենց առաջին մասնակցի ելույթից սկսած, իսկ այս տարի` միայն վերջին 15 րոպեների ընթացքում: Նախորդ տարիներին ամեն երկիր քվեարկության ժամանակ ներկայացնում էր միայն ամենաբարձր միավորները, իսկ ցածր միավորները էկրանին էին հայտնվում անմիջապես: Այս տարվանից հայտարարվելու են բոլոր միավորներն անխտիր 1 միավորից մինչև 12 միավորը:

«Մանկական Եվրատեսիլ-2011»-ը տեղի է ունենալու դեկտեմբերի 3-ին Կ. Դեմիրճյանի անվան մարզահամերգային համալիրում Երևանում: Դեռ 2010 թ-ի վերջին Հայաստան էին ժամանել շվեդ փորձագետներ, ովքեր ուսումնասիրել ենմարզահամերգային համալիրը և ընդհանուր պայմանները:

Մրցույթը բացելու է Ռուսաստանը, իսկ եզրափակելու է Բելգիան: Հայաստանը ներկայանալու է 4-րդ համարի տակ:Հայաստանը «Մանկական Եվրատեսիլին» մասնակցում է 2007թ-ից: Առաջինը այդ մրցույթում Հայաստանըներկայացրել է «Արևիկ» խումբը «Երազանք» երգով և գրավել 2-րդ տեղը, 2008 թ-ին Մոնիկա Մանուչարովան ևգրավել է 8-րդ տեղը իր «Իմ երգի հնչյունը» երգով:

2009 թվականին «Մանկական Եվրատեսիլ» մրցույթում Հայաստանը ներկայացրեց Լուարա Հայրապետյանը «Բարսելոնա» երգով և գրավեց 2-րդ տեղը` այն կիսելովՌուսաստանի ներկայացուցիչ Եկատերինա Ռյաբովայի հետ: 2010թ. նոյեմբերի 20-ին «Մանկական Եվրատեսիլ-2010» մրցույթում Հայաստանին հաղթանակ բերեց Վլադիմիր Արզումանյանը իր «Մամա» երգով: Այս տարիՀայաստանը ներկայացնելու է Դալիթան իր Welcome to Armenia երգով: