«Միայն եղանակային պայմանների բարելավումը թույլ կտա Վերին Լարս ՀԱԿ-ում կուտակված բեռնատարներին շարունակել երթևեկությունը»,-լրագրողներին է հայտարարել տրանսպորտի և կապի նախարար Մանուկ Վարդանյանը: Նա հայտնել է, որ դեկտեմբերի 2-ի առավոտյան պատվիրակություն կմեկնի Վրաստան՝ Վերին Լարսի խնդիրների լուծման նպատակով համատեղ հայ-վրացական ընկերության ստեղծման շուրջ բանակցելու համար: Միաժամանակ նախարան ընդգծել է, որ օնլայն ռեժիմով զգուշացում էր տարածվել այն մասին, որ նոյեմբերի երկրորդ կեսին եղանակային պայմանները վատթարանալու են, «հարկավոր էր միայն հետևել»:
Վրացական կողմը փորձում է լուծել Ռուսաստանից Հայաստան ընթացող տարանցիկ բեռների հարցը, որոնք առատ ձյան պատճառով մնացել են «Կազբեգի-Վերին Լարս» ՀԱԿ-ի մոտ:
Այս փուլում ռուս-վրացական սահմանի այդ հատվածում կուտակվել է մոտ 200 բեռնատար:
