Սիրիան դադարեցնում է իր մասնակցությունը Միջերկրածովյան միությանը 1 դեկտեմբերի 2011 - 19:13 AMT PanARMENIAN.Net - Դեկտեմբերի 1-ին Սիրիան հայտարարել է, որ դադարեցնում է իր մասնակցությունը Միջերկրածովյան միությանը` ի պատասխան Եվրամիության կողմից Դամասկոսի հանդեպ ձեռնարկված պատժամիջոցներին, հաղորդում է ria.ru-ն: «Սիրիան դադարեցնում է իր անդամակցությունը Միջերկրածովյան միությանը` ի պատասխան իր հանդեպ ձեռնարկված եվրոպական միջոցներին»,- ասվում է Դամասկոսի պաշտոնական հայտարարության մեջ, որը մեջբերում է Sana պետական լրատվական գործակալությունը: Ավելի վաղ հաղորդվում էր, որ Եվրամիության երկրների ԱԳ նախարարները Բրյուսելում կայացած հանդիպմանը լրացուցիչ պատժամիջոցներ են ընդունել Սիրիայի հանդեպ, որտեղ արդեն ութ ամիս շարունակ չեն դադարում կառավարական ուժերի և ընդդիմության բախումները: Պատժամիջոցների նոր ցուցակում ընդգրկվել է 12 մարդ և 11 սիրիական ընկերություն: Պատժամիջոցների կիրառում է նախատեսված, մասնավորապես, ֆինանսական, բանկային և էներգետիկ սեկտորների մի շարք սուբյեկտների, ինչպես նաև ճնշումների հետ կապված անձանց և հաստատությունների նկատմամբ: Միջերկրածովյան միությունը («Բարսելոնյան գործընթաց` Միություն հանուն Միջերկրական ծովի») ստեղծվել է 2008թ. հուլիսին Ֆրանսիայի նախագահ Նիկոլյա Սարկոզիի նախաձեռնությամբ` որպես Հարավային Միջերկրածովի երկրների ու եվրոպական պետությունների միջև գործընկերության զարգացման գործընթացի շարունակություն: Սակայն Բարսելոնյան գործընթացի հաջողությունները բավական համեստ եղան նախագծի չափազանց քաղաքականացված լինելու և մերձավորարևելյան հակամարտության սրման պատճառով:
Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Ամենաընթերցվողը բաժնում | Պեսկով. Կողմ ենք Բաքվի և Երևանի միջև շփումների շարունակմանը Նա նաև ասել է, որ Կրեմլը չի մեկնաբանում Հայաստանում տեղի ունեցող բողոքի ցույցերը Հացադուլի մեջ գտնվող ֆրանսահայ լրագրող Նիկոլյանի հարցը ՄԻՊ ուշադրության ներքո է Միևնույն ժամանակ, նրա փաստաբանը գրություն է հասցեագրել ԱԱԾ՝ պարզելու, թե ինչ հիմք է դրվել որոշման համար Փաշինյան. Հայաստանի և Ադրբեջանի սահմանին տեղադրված սյուները ՀՀ տարածքային ամբողջականության անկյունաքարերն են Ըստ նրա, որոշումը կայացվել է ֆիքսելու համար Հայաստանի տարածքային ամբողջականությունը ԱՄՆ կոնգրես է ներկայացվել Ադրբեջանի պաշտոնյաների դեմ պատժամիջոցներ սահմանելու օրինագիծը Այն շրջանառության մեջ է դրել կոնգրեսական Դինա Տիտուսը |