Ռուսաստանի դիրքորոշումը Կովկասի հարցում անփոփոխ է արդեն շատ երկար ժամանակվա ընթացքում: Այդ մասին Երևանում լրագրողներին է հայտարարել քաղաքագետ Սերգեյ Շաքարյանցը:
«Կովկասը Ռուսաստնի համար եղել և մնում է վահան թշնամիների դեմ»,-նշել է նա՝ հավելելով, որ տարիներ շարունակ Իրանն է եղել Ռուսաստանի հիմնական թշնամին:
Շաքարյանցը նշել է նաև, որ Ռուսաստանը Հայաստանի հարցում ավելի շահագրգռված է արտաքին գործոններով և « քիչ է հետաքրքրված Հայաստանի ներքաղաքական կյանքով»:
Ըստ Շաքարյանցի, դրա ապացույցն է այն փաստը, որ Ռուսաստանը միշտ օրինական է համարել ընտրությունները Հայաստանում: «Չեմ հիշում մի դեպք, երբ ՌԴ իշխանությունները նշեին, որ համաձայն չեն Հայաստանում ընտրությունների անցկացման ձևի կան քվեարկության արդյունքների հետ»,-ասել է քաղաքագետը: