  Candy խումբը Վրաստանից հաղթանակ տարավ Մանկական Եվրատեսիլ 2011 մրցույթում   4 դեկտեմբերի 2011 - 00:56 AMTPanARMENIAN.Net - Դեկտեմբերի 3-ին Երևանն առաջին անգամ ընդունեց Մանկական Եվրատեսիլ միջազգային երաժշտական մրցույթը. այն մեծ շուքով ու հոյակապ շոուով համեմված ծրագրով անցավ Կ. Դեմիրճյանի անվան մարզահամերգային համալիրում: Հաղթանակ տարավ Վրաստանից Candy խումբը, որ քվեարկության արդյունքում հավաքեց 108 միավոր` իր հիմնական մրցակից Նիդերլանդներից առաջ անցնելով ընդամենը 5 միավորով: Երրորդ տեղը գրավեց Բելառուսը 99 միավորով, և նույնքան միավոր հավաքեց նաև Ռուսաստանը: Հայաստանը գրավեց 5-րդ հորիզոնականը 85 միավորով: Վերջին 13-րդ տեղը գրավեց Լատվիան 31 միավորով: Իդեպ Candy խմբի երգչուհիներից մեկը հայուհի է` Աննա Խանչալյան: Այս տարի մրցույթին մասնակցեցին 13 երկրի ներկայացուցիչներ: Հայաստանը մրցույթին մասնակցեց չորրորդ անգամ: Մրցույթը բացեց Ռուսաստանը, իսկ եզրափակիչ երգը Բելգիայինն էր: Հայաստանը ներկայացավ 4-րդ համարի տակ: Դեռ 2010 թ-ի վերջին Հայաստան էին ժամանել շվեդ փորձագետներ, ովքեր ուսումնասիրել են մարզահամերգային համալիրը և ընդհանուր պայմանները: Հայաստանը «Մանկական Եվրատեսիլին» մասնակցում է 2007թ-ից: Առաջինը այդ մրցույթում Հայաստանը ներկայացրել է «Արևիկ» խումբը «Երազանք» երգով և գրավել 2-րդ տեղը, 2008 թ-ին Մոնիկա Մանուչարովան և գրավել է 8-րդ տեղը իր «Իմ երգի հնչյունը» երգով: 2009 թվականին «Մանկական Եվրատեսիլ» մրցույթում Հայաստանը ներկայացրեց Լուարա Հայրապետյանը «Բարսելոնա» երգով և գրավեց 2-րդ տեղը` այն կիսելով Ռուսաստանի ներկայացուցիչ Եկատերինա Ռյաբովայի հետ: 2010թ. նոյեմբերի 20-ին «Մանկական Եվրատեսիլ-2010» մրցույթում Հայաստանին հաղթանակ բերեց Վլադիմիր Արզումանյանը իր «Մամա» երգով: Այս տարի Հայաստանը ներկայացնելու է Դալիթան իր Welcome to Armenia երգով:  Ուշագրավ Տիգրան Ավինյանն ու Գրեգորի Դուսեն այցելել են պատմական թաղամաս Snap-ը պլատինե երգի կարգավիճակ է ստացել նաև մի քանի այլ երկրներում Հայկական դուդուկի երաժշտությունը ՅՈՒՆԵՍԿՕ-ի ցանկում է ընդգրկվել դեռևս 2008 թ․ Ցուցադրությունը կազմակերպվում է այս երեք ֆիլմերի Պոմպիդու կենտրոնին հանձնման արարողության առիթով   Ամենաընթերցվողը բաժնում |  Սյուժե Վերջին լուրեր «Հայաքվեն» կոչը՝ միասնական ճակատ ձևավորել, կառավարությանն անվստահություն հայտնելու գործընթաց նախաձեռնել  Նաև է կոչ է արվել իշխանական պատգամավորներին դուրս գալ «Քաղաքացիական պայմանագիր» խմբակցությունիցՕսկանյան. Արցախի հարցը փակված չէ Նա նշել է, որ Հայաստանն այսքան խոցելի է դարձել հիմնականում այն պատճառով, որ մենք կորցրել ենք ԱրցախըԾիծեռնակաբերդում Աննա Հակոբյանին առնչվող միջադեպով 1 անձի մեղադրանք է առաջադրվել Մյուսներն արգելանքից ազատ են արձակվել, քրեական հետապնդում չի հարուցվելՆարեկ Մանասյանը՝ բռնցքամարտի ԵԱ արծաթե մեդալակիր Ավելի վաղ Եվրոպայի առաջնության փոխչեմպիոն էր դարձել Բարեղամ Հարությունյանը |
