Վազգեն Սաֆարյան. Պարսիկ փախստականների հնարավոր զանգվածային ներհոսքը Հայաստան, չի հանգեցնի գնաճի
Իրանում իրավիճակի վատթարացումն, անշուշտ, կազդի Հայաստանի տնտեսության վրա, կարծում է Հայրենական արտադրողողների միության նախագահ Վազգեն Սաֆարյանը: «Հայաստանի նման փոքր երկիրը, իհարկե, իրեն չի կարող թույլ տալ ընդունել փախստականների նման մեծ ներհոսք, բայց այլ տեսանկյունից միջազգային փորձում առկա են հումանիտար օգնության ցուցաբերման հարցեր, և այդ հարցերը ԱԳ նախարարության իրազեկության դաշտում են»,- ասել է նա PanARMENIANNet-ի թզթակցի հետ հանդիպմանը:
Միաժամանակ Վազգեն Սաֆարյանը ենթադրեց, որ փախստականների մասսայական ներհոսքը չի հանգեցնի գնաճի, քանի որ պետությունը չի հապաղի կարգավորիչ գործառույթներ իրականացնել: «Իրավիճակն Իրանում իրոք բարդ է, սակայն հուսանք, որ այն ավելի չի վատանա: Իրանը Իրաք չէ, որի դեմ կարելի էր պատերազմ սկսել»,- հավելել է նա:
