Վիլնյուսում մեկնարկել է ԵԱՀԿ երկրների Արտաքին գործերի նախարարների խորհրդի (ԱԳՆԽ) 18-րդ նիստը: Նիստին մասնակցում են ԵԱՀԿ երկրների ավելի քան 40 ԱԳ նախարարներ, միջազգային կազմակերպությունների ներկայացուցիչներ: Նիստին մասնակցում է նաև ԱՄՆ պետքարտուղար Հիլլարի Քլինթոնը:
ԱԳՆԽ նիստի հիմնական հարցերը՝ կապված ԱԳ նախարարների և լրագրողների աշխատանքի հետ, լինելու են էներգետիկ ապահովությունը, կիբերհանցագործությունների և թմրանյութերի մաքսանենգության դեմ պայքարը, ռազմական ոլորտում վստահության բարձր մակարդակը, Աֆղանստանի և Միջերկրածովային ավազանի երկրների հետ համագործակցությունը: Հայաստանի կողմից ԵԱՀԿ ԱԳՆԽ ներկայացված է պատվիրակություն, որը գլխավորում է ԱԳ նախարար Էդվարդ Նալբանդյանը: Նիստի շրջանակներում ծրագրված են Նալբանդյանի երկկողմ հանդիպումներ: