Թեհրանն արգելափակել է Իրանում ԱՄՆ վիրտուալ ներկայացուցչության հասանելիությունը, հաղորդում է իրանական խորհրդարանի պաշտոնական կայքը:
Խորհրդարանի կայքի հաղորդագրությունում նաև ասվում է, որ ԱՄՆ երբեք չի հարգել Իրանի ժողովրդին: Ավելի վաղ ԱՄՆ Պետդեպարտամենտը հայտարարել էր Իրանում ԱՄՆ վիրտուալ ներկայացուցչության բացման մասին:
Ամերիկյան արտաքին քաղաքական գերատեսչության հայտարարությունում ասվում է, որ «վիրտուալ ներկայացուցչությունը» Իրանում պետական դիվանագիտական առաքելության փոխարինողը չի լինի, այլ հակառակը, պետք է դառնա Թեհրանի և Վաշինգտոնի միջև կամուրջ:
Դեկտեմբերի 6 Իրանում իր գործունեությունն է սկսել ԱՄՆ վիրտուալ դեսպանատունը: Նրա կայքում, որը գործում է անգլերեն և պարսկերեն լեզուներով, ասվում է, որ ԱՄՆ կառավարությունն ընտրել է Իրանի ժողովրդի հետ հարաբերությունների կառուցման այս եղանակը:
ԱՄՆ պետքարտուղար Հիլարի Քլինթոնը, կայքում տեղադրված տեսահաղորդագրությունում ասել է երկու երկրների միջև դիվանագիտական հարաբերությունների բացակայության մասին, ինչպես նաև ԱՄՆ և Իրանի ժողովուրդների միջև երկխոսության խոչընդոտների մասին: Նա նաև հայտարարել է, որ վիրտուալ դեսպանատունը միջոց է հանդիսանալու 2 երկրների մերձեցմանը, միմյանց լավ հասկանալուն, խոչընդոտների հաղթահարմանը: