Այսօր` դեկտեմբերի 8-ին Հայաստանի նկարիչների միությունում բացվեց «Երջանիկ ընտանիք» խորագրով լուսանկարչական ցուցահանդես-մրցույթը: Այն կազմեկերպել է «Կանանց իրավունքների կենտրոն» ՀԿ-ն: ՀԿ նախագահ Սուսաննա Վարդանյանը PanARMENIAN.Net ի թղթակցի հետ զրույցում նշեց, որ ցուցահանդեսին մասնակցում են Երևանից և մարզերից շուրջ 30 պրոֆեսիոնալ և սիրողական լուսանկարիչներ` 85 լուսանկարներով:
Ցուցասրահում դրված են նաև ստվարաթղթից պատրաստված կանացի սիլուետներ, որոնց վրա գրված են բռնության ենթարկված կանանց պատմությունները: Դա, ըստ ՀԿ նախագահի, արված է հակասություններն ընդգծելու համար:
Հաղթողների անունները պարզ կդառնան դեկտեմբերի 9-ին, որոնց կորոշի հատուկ ժյուրին: