Իսրայելն ու Ռուսաստանը լուրջ տարաձայնություններ ունեն Իրանի ու Սիրիայի հարցում, ուրբաթ օրը հայտարարել է լրագրողներին Իսրայելի ԱԳՆ ղեկավար Ավիգդոր Լիբերմանը:
«Մենք հասկանում ենք միմյանց դիրքորոշումները, սակայն, հասկանում ենք նաև, որ այդ դիրքորոշումները տարբեր են»,-ասել է նա, հայտնում է ՌԻԱ Նովոստի գործակալությունը:
Լիբերմանը նշել է նաև, որ քննարկել է այդ տարաձայնությունները ՌԴ ԱԳՆ ղեկավար Սերգեյ Լավրովի և վարչապետ Վլադիմիր Պուտինի հետ վերջին հանդիպումներում:
Լիբերմանը նշել է նաև, որ առաջիկայում Իսրայել կայցելի ՌԴ ԱԳՆ փոխղեկավար Միխայիլ Բոգդանովը:
«Մենք հուսով ենք, որ ավելի մեծ համաձայնության կհասնենք Ռուսաստանի հետ հարաբերություններում»,-ասել է Ավիգդոր Լիբերմանը:
Ավիգդոր Լիբերմանը Ռուսաստան է ժամանել առևտրատնտեսական համագործակցության ռուս-իսրայելյան խառը հանձնաժողովի 9-րդ նիստին մասնակցելու նպատակով: