Բարձրաստիճան իսրայելցի պաշտոնյաները իրենց հիասթափությունն են հայտնել ԱՄՆ նախագահ Բարաք Օբամայի քաղաքականության հանդեպ Իրանի հարցում: «Օբամայի վարչակազմը նախկինի պես ամբողջ ուժով չի գործում, լուրջ պատժամիջոցներ սահամանելու համար Թեհրանի դեմ»,-հայտարարել է Ynet-ի պաշտոնյաներից մեկը:
Միևնույն ժամանակ, Երուսաղեմի պաշտոնյաները դրական են գնահատում Իրանի հարցում Ֆրանսիայի նախագահի ու Մեծ Բրիտանիայի վարչապետի քաղաքականությունը: «Ֆրանսիան ու Մեծ Բրիտանիան սկսել են վճռական գործել, այն դեպքում, երբ Օբամայի վարչակազմը մինչ օրս չի ձևակերպել իր քաղաքականությունը, ինչը բավականին լուրջ է»,-ասել է մեկ այլ պաշտոնյա:
«Այն դեպքում, երբ Ներկայացուցիչների պալատն ու Սենատը առաջ են մղում հակաիրանական օրենսդրությունը, Սպիտակ տունը Իրանի հարցում գործում է այն գաղափարախոսության համաձայն, որը կարող է բնութագրվել որպես «անվճռական»,-ասել է իսրայելցի պաշտոնյան:
Հինգշաբթի օրը Իսրայելում ԱՄՆ դեսպան Դան Շապիրոն հայտնել է լրագրողներին, որ Իսրայելն ու ԱՄՆ-ն սերտ երկկողմ հարաբերություններ են հաստատել միջուկային Իրանի սպառնալիքի ոլորտում:
