Ընդդիմադիր «Ժառանգություն» կուսակցությունը դեռևս չի քննարկել ընտրություններում այլ քաղաքական ուժերի հետ դաշինքի հարցը: Այդ մասին Երևանում կայացած մամլո ասուլիսում հայտարարել է կուսակցության առաջնորդ Րաֆֆի Հովհաննիսյանը՝ մեկնաբանելով լուրերը «Ազատ ժողովրդավարներ» կուսակցության հետ հնարավոր դաշինքի մասին: «Ժառանգությունը» ոչ իր ներսում՝ Վարչության նիստում, ոչ առավել ևս մեկ այլ կուսակցության հետ չի քննարկել առաջիկա ընտրություններին մասնակցել-չմասնակցելու հարցը, ինչպես նաև մասնակցության միջոցներն ու ձևաչափը»,-հայտարարել է նա:
Հավհաննիսյանը հավելել է նաև, որ կուսակցությունը տարբեր քննարկումներ է անցկացրել այլ քաղաքական ուժերի հետ, սակայն, ընտրություններին միասնական մասնակցության հարցը չի քննարկվել:
Ընդ որում «Ժառանգության» առաջնորդը նշել է, որ կուսակցությունը հակված է դաշնային որոշումների ու գործողությունների: Նա հավելել է նաև, որ ընդդիմության սխալներն ու պարտությունները անցյալում բացատրվում են հենց նրա առանձին գործելու հանգամանքով:
