Եվրախորհրդարանը բանաձև է ընդունել ադրբեջանցի լրագրող Ռաֆիկ Թաղիի սպանության վերաբերյալ: Մասնավորապես, ըստ բանաձևի, Եվրախորհրդարանի ներկայացուցիչները կոչ են արել Ադրբեջանի իշխանություններին համապատասխան քննություն անցկացնել, «ինչը չի արվել»:
Բացի այդ, նշելով քաղբանտարկյալների առկայությունն Ադրբեջանում, եվրախորհրդարանականները խորհուրդ են տվել պաշտոնական Բաքվին հավատարիմ լինել մարդու իրավունքների միջազգային կոնվենցիաների սկզբունքներին, որոնց նա միացել է:
«Մենք կոչ ենք անում պաշտոնապես դատապարտել լրագրողի սպանությունը և քայլեր ձեռնարկել՝ ապահովելու համար խոսքի ազատությունը երկրում»,-ասվում է բանաձևում:
Ադրբեջանցի լրագրող Ռաֆիկ Թաղին սպանվել է 2011թ. նոյեմբերի 23-ին: 2007թ. Թաղին դատապարտվել էր Ադրբեջանի եվրաինտեգրմանը խոչընդոտող իսլամական արժեքների մասին հոդվածի համար:
