Դեկտեմբերի 20-ին Մոսկվայում կայանալիք ԱՊՀ ղեկավարների խորհրդի հոբելյանական նիստի օրակարգի նախագծում ընդգրկվել է 5 հարց: Ինչպես հայտնում է ԱՊՀ գործադիր կոմիտեն, ԱՊՀ մասնակից երկրների ղեկավարները մտադիր են հաստատել իրենց հավատարմությունը այդ ձևաչափով համագործակցությանը, մարդկանց իրական կյանքի բարելավմանը, նրանց բարեկեցության աճին:

Գագաթաժողովի ընթացքում պետության ղեկավարները կնախանշեն ԱՊՀ երկրների համագործակցության առանցքային ոլորտները 2012թ. համար: Նախատեսվում է, որ հաջորդ տարի դա կլինի համագործակցությունը կապի ու տեղեկատվայնացման ոլորտը:

Գագաթաժողովի մասնակիցները կքննարկեն նաև ԱՊՀ առաքելության դերի բարձրացումը նախագահական ու խորհրդարանական ընտրություններում, կորոշեն 2012թ. ԱՊՀ մշակութային մայրաքաղաքները:

Ինչպես հայտարարել էր ավելի վաղ ՌԴ նախագահի օգնական Սերգեյ Պրիխոդկան, գործնականում բոլոր պետությունների ղեկավարները հաստատել են իրենց մասնակցությունը միջոցառմանը: