Հայաստանի Հանրապետական կուսակցությունը (ՀՀԿ) իրեն համարում է ապագաա խորհրդարանական ընտրությունների ֆավորիտը: Այդ մասին Երևանում կայացած մամլո ասուլիսում հայտարարել է ԱԺ փոխխոսնակ, ՀՀԿ մամլո քարտուղար Էդուարդ Շարմազանովը: «ՏԻՄ ընտրությունները, մեր հանդիպումները հանրության ներկայացուցիչների հետ, սոցհարցումները ցույց են տալիս, որ Հայաստանի քաղաքացիների մեծ մասը իր խնդիրների լուծումը կապում է ՀՀԿ-ի և նրա նախագահի, Հայաստանի նախագահ Սերժ Սարգսյանի հետ»,-ասել է նա;
Շարմազանովը ձեռնպահ է մնացել այլ քաղաքական ուժերի շանսերը գնահատելուց՝ նշելով, որ դա կոռեկտ չի համարում: Նա նաև նշել է, որ պետք չէ զուգահեռներ անցկացնել Ռուսաստանում և Հայաստանում ընտրությունների հետ կապված իրավիճակների միջև, քանի որ «Ռուսաստանը շատ մեծ երկիր է, որը շատ խնդիրներ ունի ու մեծ մարտահրավերների առջև է կանգնած, որը միջազգային հարաբերություններում հիմնական դերակատարներից մեկն է: Չեմ կարծում, որ ռուսաստանյան իրողությունները կարող են որևէ կապ ունենալ հայաստանյան իրողությունների հետ»:
