2011 թվականի դեկտեմբերին «Անելիք Բանկ» ՓԲԸ-ն Հայ-Կանադական Առևտրաարդյունաբերական Պալատի բարձր հեղինակություն վայելող կորպորատիվ անդամ է դարձել, ինչի կապակցությամբ հայկական կոմբանկին հավաստագիր է շնորհվել:

Ինչպես նշվում է բանկի մամլո ծառայության հաղորդագրության մեջ, հավաստագրի հանձնման արարողության ժամանակ Հայ-Կանադական Առևտրարդյունաբերական Պալատի նախագահ պարոն Ազատ Վարդանյանը նշեց, որ ավելի քան 1 տարի է, ինչ «Անելիք Բանկն» անդամակցում է Հայ-Կանադական Առևտրաարդյունաբերական Պալատին` 2010 թվականի հոկտեմբերի 15-ից, որի հիմնական նպատակն է գործարար կայուն կապեր հաստատել Հայաստանի և Կանադայի գործարարների միջև, ինչը 2 երկրների գործարարներին թույլ է տալիս փոխշահավետ գործունեություն ծավալել Հայաստանում և Կանադայում և ավելի լավ ճանաչել միմյանց: Նրա խոսքով` անդամակցության ընթացքում «Անելիք Բանկ» ՓԲԸ-ի կողմից կատարված արդյունավետ աշխատանքը կարևոր դեր Է խաղացել Պալատի կայացման և զարգացման գործում, ինչի համար էլ «Անելիք Բանկ»-ին շնորհվում է ՀԿԱՊ բարձր հեղինակություն վայելող կորպորատիվ անդամի կոչում իր բոլոր իրավունքներով և առավելություններով:

«Մենք վստահ ենք, որ հետագա մեր համագործակցությունը կլինի էլ ավելի արդյունավետ և փոխշահավետ: Այս հավաստագիրը ևս մեկ անգամ ընդգծում է Բանկի և Պալատի միջև հաստատված փախհարաբերությունների կարևորությունը»,- ասաց «Անելիք Բանկ» ՓԲԸ-ի Վարչության նախագահ պարոն Սամվել Ճզմաչյանը: