Այսօր Հայաստանի պետական ճարտարագիտական համալսարանի (ՀՊՃՀ) ռեկտոր Արա Ավետիսյանը ստորագրեց գիտատեխնիկական համագործակցության պայմանագիր «Ագրոսայնս» գիտա-արտադրական ընկերության հետ։Այս պայմանագրով նախատեսվում է ՀՊՃՀ գիտական ստորաբաժանման ենթակառուցվածքում և քիմիական տեխնոլոգիաների ու բնապահպանական ճարտարագիտության ֆակուլտետում հիմնել էկոլոգիապես անվտանգ գյուղատնտեսական նոր թունաքիմիկատների և պատրաստուկային ձևերի ստացման տեխնոլոգիայի մշակման և որակի վերահսկման ժամանակակից լաբորատոր բազա։
Բացի դրանից ծրագրվում է իրականացնել համատեղ գիտաուսումնական ծրագրեր։ Լաբորատորիան ունենալու է գիտաուսումնական ստորաբաժանման բազայի կարգավիճակ։
«Այս համագործակցությամբ մենք թունաքիմիկատների ոլորտը լավ հիմքերի վրա կկանգնեցնենք։ Շատ կարևոր է, որ մեր գյուղատնտեսությունը օգտվի տեղական արտադրանքից»,-նշեց «Ագրոսայնս» ընկերության տնօրենը։
