Թուրքական Մարդին քաղաքում անցնող շախմատի աշխարհի առաջնության 5-րդ տուրում Հայաստանի կանանց հավաքականը 3,5:0,5 հաշվով հաղթանակ է տարել Թուրքիայի ընտրանու նկատմամբ:

Առաջին խաղատախտակի վրա Էլինա Դանիելյանը սև քարերով հաղթել է Բեթուլ Յիլդիզին, Լիլիթ Գալոյանը հաղթել է Կարդելեն Չեմխանին, իսկ Մարիա Կուրսովան վերջին տախտակի վրա ավելի ուժեղ է գտնվել Փաթել Յեսիմից: Միակ ոչ ոքի պարտիան գրանցվել է Լիլիթ Մկրտչյան-Կուբրա Օսթուրք հանդիպման արդյունքում: Հայաստանի հավաքականը ընդհանուր առմամբ գրանցել է իր հաշվին 9,5 միավոր:

Մրցաշարը ավարտվելու է դեկտեմբերի 27-ին: Դեկտեմբերի 23-ին ազատ օր է, իսկ 6-րդ տուրում հայ շախմատիստները կհանդիպեն ՀԱՀ ընտրանու հետ: