Այսօր Հայաստանում մեկնարկել է մայիսի 25-ին երկրում կայանալիք խորհրդարանի ընտրությունների նախընտրական արշավը: Համամասնական կարգով 75 պատգամավորական տեղերին հավակնում են չորս քաղաքական դաշինքներ եւ 17 կուսակցություններ: Դաշինքների թվին են պատկանում` ընդդիմական «Արդարություն» դաշինքը (137), «Արժանապատվություն. Ժողովրդավարություն. Հայրենիք» (71 թեկնածու), «Ազատական դաշինք» (40 թեկնածու) եւ «Արդյունաբերողների եւ կանանց միություն» (15 թեկնածու): Կուսակցությունների թվին են պատկանում` Հայաստանի հանրապետական կուսակցություն (120 թեկնածու), Հայ հեղափոխական «Դաշնակցություն» (101 թեկնածու), «Ազգային միաբանություն» (77 թեկնածու), «Հզոր հայրենիք» (75 թեկնածու), Հայաստանի ժողովրդա-ազատական միություն (70 թեկնածու), «Օրինաց երկիր» (63 թեկնածու), «Ռամկավար-ազատական կուսակցություն»(60 թեկնածու), Նորացված կոմկուս (44 թեկնածու), Հայոց համազգային շարժում (41 թեկնածու), Միացյալ աշխատավորական կուսակցություն (40 թեկնածու), Կոմունիստական կուսակցություն (39 թեկնածու), Քրիստոնյա-ժողովրդավարական միություն (33 թեկնածու), «Հայ արիացիների բռունցք» կուսակցություն (19 թեկնածու), Ժողովրդական կուսակցություն (18 թեկնածու), «Աշխատանք. Օրենք. Միություն» (13 թեկնածու), «Ազգային համաձայնություն» (13 թեկնածու), «Արդարություն» կուսակցություն (10 թեկնածու): Մեծամասնական տեղերի թիվը խորհրդարանում 56 է: