  Սաֆարյան. Անկախ իշխանությունների գործողություններից՝ 2011թ. Հայաստանի դերը տարածաշրջանում աճել է  26 դեկտեմբերի 2011 - 15:46 AMTPanARMENIAN.Net - Անկախ Հայաստանի իշխանությունների գործողություններից և նույնիսկ դրանց հակառակ, 2011թ. Հայաստանի դերը տարածաշրջանում աճել է, գտնում է «Ժառանգություն» կուսակցության խորհրդարանական խմբակցության ղեկավար Ստեփան Սաֆարյանը: «Դա նրանից չէ, որ մենք արտաքին քաղաքականության ոլորտում Հենրի Քիսինջերներ ունենք, այլ դա կապված է Իրանի խնդրի, Թուրքիային զսպելու հետ»,-ասել է Սաֆարյանը Երևանում կայացած մամլո ասուլիսում: Ըստ նրա, չլիներ Հայաստանի դերակատարության աճող կարևորությունը, նա վաղուց արդեն տանուլ էր տվել արտաքին քաղաքականության բոլոր հարցերում: Սաֆարյանը, մասնավորապես, անդրադարձավ նաև հայ-թուրքական արձանագրություններին, նշելով, որ դրանք շարունակում են բացասական ազդեցություն ունենալ՝ ընդգծելով, որ Հայաստանը պետք է ետ կանչի իր ստորագրությունը: Նշելով այն պայքարը, որ «Ժառանգությունն» ու այլ քաղաքական ուժեր վարում էին այդ արձանագրությունների դեմ, նա նշել է.«Պետք է խոստովանել, որ մեր բախտը բերեց՝ շնորհիվ Ալիևի մեծ ախորժակի ու Էրդողանի հայտարարությունների»: Ինչ վերաբերում է ղարաբաղյան խնդրին, ապա Սաֆարյանը հայտարարել է. «Ես եղել և մնում եմ լավ իրազեկված հոռետեսների շարքում իմ կուսակից ընկերների հետ միասին և գտնում եմ, որ Մադրիդյան սկզբունքները չեն կարող լուծում տալ խնդրին»: Նա հավելել է, որ Մադրիդյան սկզբունքները, հակառակը, կարող են նոր հակամարտություն առաջացնել:   Ուշագրավ Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Դեսպանը նաև հրապարակել է Politico-ի հոդվածը «Thales» ընկերության ֆրանսիական ռադարների մասին   Ամենաընթերցվողը բաժնում |  Վերջին լուրեր Ադրբեջանում հայտարարել են, որ Ղազախի շրջանում ականի պայթյունից սահմանապահ է վիրավորվել  Նշվում է, որ տարածքը, որտեղ տեղի է ունեցել դեպքը, հարում է այն հատվածին, որը «Հայաստանի հետ շփման գիծ էր»ԱՆ․ Տավուշում գործընթացի վերաբերյալ կեղծ թեզեր են հնչում Դրանցից ամենատարածվածներին նախարարությունն անդրադարձել է իրավական տեսանկյունիցԲալայան․ ՀՀ-ԵՄ հարաբերությունները հիմնված են հայկական ազգային շահերի վրա Նա հավելել է, որ դա սպառնալիք չէ Մոսկվայի համարԿիրանցի ղեկավարը՝ Փաշինյանի հետ Երևանում հանդիպելու առաջարկի մասին. Դեռ չենք որոշել Վարչապետի աշխատակազմից ասել են, որ տեղեկություն չունեն |
