Ընդդիմադիր «Ժառանգությունը» և Դաշնակցություն կուսակցությունները այսօր համատեղ հայտարարությամբ են հանդես եկել, որով իշխանություններին կոչ են արել վերացնել մեծամասնական ընտրական համակարգը և անցում կատարել 100 տոկոսանոց համամասնական ընտրական համակարգին:
Խորհրդարանական ընդդիմության կարծիքով, «համաձայնելով այս քայլին, իշխանությունը կարտահայտի իր պատրաստակամությունը և քաղաքական կամքը` ընդդիմադիմության հետ համատեղ երկրում նախընտրական շրջանում հանդուրժողականության և համաձայնության մթնոլորտ ստեղծելու համար»: Նրանց կարծիքով, լիարժեք համամասնական համակարգը կապահովի իշխանական ուժերին հավասար մրցունակություն, կընդլայնի նրանց պատասխանատվությունը պատգամավորների համար, ինչպես նաև կնվազեցնի ընտրական գործընթացի վրա ոչ քաղաքական և ոչ ընտրական գործոնների ազդեցությունը:
«Ժառանգությունը» և Դաշնակցությունը իրենց հայտարարությունում բոլոր քաղաքական ուժերին կոչ են արել աջակցել այս նախաձեռնությանը: